खून करण्यापूर्वी सूचनाने डिसेंबरमध्ये दिलेली गोव्याला भेट; पोलीस तपासात माहिती उघड

दोन दिवसांनी पुन्हा गोव्यात येऊन केला मुलाचा खून

पूजा नाईक प्रभूगावकर, पणजी - गोवा: सूचना सेठ हिने आपल्या चार वर्षीय मुलाचा खून करण्यापूर्वी गोव्याला भेट दिली होती. ३१ डिसेंबर २०२३ ते ४ जानेवारी दरम्यान पाच दिवसांचा मुक्काम करुन ती बंगळूरला परतली होती. मात्र दोन दिवसांनी ती पुन्हा गोव्यात आली व मुलाचा खून केला अशी माहिती पोलिसांनी दिली.

३१ डिसेंबर ते ४ जानेवारी दरम्यान ती केळशी येथील एका पंचतारांकीत हॉटेलात थांबवली होती. ४ रोजी ती बंगळूरला परतला. मात्र ६ जानेवारी रोजी ती आपल्या मुलासोबत पुन्हा गोव्यात आली व कांदोळी येथील एका हॉटेलमध्ये वास्तव्य केले. याच हॉटेलच्या खोलीत त्यानंतर तिने आपल्या मुलाचा खून केला  मृतदेह बॅगेत भरला व ती बंगळूरला रवाना झाली.

मात्र पोलिसांनी तिला चित्रदुर्ग येथून अटक केली .दरम्यान सूचना सेंठ हिच्या पोलिस कोठडीत बाल न्यायालयाने पाच दिवसांनी वाढ केली आहे.