बाथरुममध्ये आंघोळ करताना अल्पवयीन मुलीचा गुपचूप तरुण बनवत होता व्हिडिओ, मग...

Crime News : पीडितेच्या कुटुंबीयांनी शेजारी काम करणाऱ्या मजुरावर गुन्हा दाखल केला आहे. रामगंज पोलीस ठाण्यात गुन्हा दाखल करून तपास सुरू केला आहे.

अजमेर - अजमेरमध्ये 11 वर्षीय अल्पवयीन मुलीचा बाथरूममध्ये आंघोळ करतानाचा व्हिडिओ बनवणाऱ्या तरुणाला कुटुंबीयांनी पकडले, त्याच्याकडून तो व्हिडिओही जप्त करण्यात आला आहे. पीडितेच्या कुटुंबीयांनी शेजारी काम करणाऱ्या मजुरावर गुन्हा दाखल केला आहे. रामगंज पोलीस ठाण्यात गुन्हा दाखल करून तपास सुरू केला आहे.

रामगंज पोलिस स्टेशनचे एएसआय नंद भंवर सिंह यांनी सांगितले की, पोलिस स्टेशन परिसरातील तक्रारदाराने तक्रार दाखल केली की, त्याच्या शेजारी घराचे काम सुरू आहे, तेथे कृष्णा नावाचा मजूर काम करत होता. पीडितेच्या वडिलांनी सांगितले की, 14 एप्रिल रोजी त्यांची 11 वर्षांची मुलगी आंघोळीसाठी बाथरूममध्ये गेली तेव्हा मजूर कृष्णाने बाथरूमच्या खिडकीतून मुलीचा व्हिडिओ बनवण्यास सुरुवात केली.

यादरम्यान पीडितेची आरोपी कृष्णावर नजर गेली, त्यावर पीडितेने आरडाओरड केल्याने कुटुंबीय घराबाहेर पोहोचले आणि त्यांनी कृष्णाला पकडले. कुटुंबीयांनी आरोपी कृष्णाच्या ताब्यातून मोबाईल जप्त केला असता त्याच्या फोनमधून अनेक व्हिडिओ सापडले. पीडितेच्या वडिलांनी आरोपी कृष्णाविरुद्ध रामगंज पोलीस ठाण्यात गुन्हा दाखल केला आहे. रामगंज पोलिस ठाण्यात पोक्सो कायद्यान्वये गुन्हा दाखल करून तपास सुरू केला आहे. या प्रकरणाचा तपास आदर्श नगर पोलीस ठाण्याचे अधिकारी सुगन सिंग यांच्याकडे देण्यात आला आहे.

मिळालेल्या माहितीनुसार, अल्पवयीन पीडितेचा व्हिडिओ बनवताना कुटुंबीयांनी आरोपी कृष्णाला पकडून पोलिसांच्या ताब्यात दिले. आरोपी कृष्णा पोलिसांच्या ताब्यात असल्याचे सांगण्यात येत आहे. मात्र, पोलिसांनी याप्रकरणी काहीही बोलण्यास नकार दिला आहे. पोलीस या प्रकरणाचा तपास करत आहेत.

 

Read in English