Ajaz khan : NCB च्या कोठडीत असलेला अभिनेता पॉझिटीव्ह, तपास अधिकारी क्वारंटाईन

Ajaz khan : एनसीबीकडून गेल्या दोन दिवसांपासून एजाज खानची चौकीशी सुरू आहे. या चौकशीत एजाजने आणखी दोन टिव्ही कलाकारांची नावं घेतली असल्याचे म्हटले जात आहे.

ठळक मुद्देचौकशीदरम्यान एजाज खान कोरोना पॉझिटीव्ह आढळून आला आहे. त्यामुळे, तपास अधिकऱ्यांमध्ये खळबळ उडाली आहे. 

मुंबई - बॉलिवूड अभिनेता एजाज खानचा ड्रग्ज तस्कराशी संबंध असल्याच्या आरोपावरून अमली पदार्थविरोधी नियंत्रण कक्षाने (एनसीबी) त्याला नुकतीच अटक केली आहे. ड्रग्ज माफिया फारूख बटाटा आणि त्याचा मुलगा शादाब बटाटा याच्याशी अमली पदार्थ विक्री आणि सेवन व्यवहारात त्याचा सहभाग असल्याचे स्पष्ट झाल्याने ही कारवाई करण्यात आल्याचे सांगण्यात आले. या सगळ्यांची सध्या एनसीबीकडून कसून चौकशी सुरू आहे. मात्र, चौकशीदरम्यान एजाज खान कोरोना पॉझिटीव्ह आढळून आला आहे. त्यामुळे, तपास अधिकऱ्यांमध्ये खळबळ उडाली आहे. 

एनसीबीकडून गेल्या दोन दिवसांपासून एजाज खानची चौकीशी सुरू आहे. या चौकशीत एजाजने आणखी दोन टिव्ही कलाकारांची नावं घेतली असल्याचे म्हटले जात आहे. हे दोन्ही कलाकार अंधेरीतील लोखंडवाला परिसरात राहातात. एजाजने या कलाकारांची नावं घेतल्यानंतर त्यांच्या घरावर छापा टाकण्यात आला. पण त्याआधीच हे कलाकार फरार झाले आहेत. मात्र,  त्यांच्या घरात ड्रग्स सापडले असल्याचे म्हटले जात आहे. दरम्यान, चौकशीत असतानाच एजाज खानची कोरोना चाचणी करण्यात आली होती. त्यामध्ये, अजाज खानचा कोरोना अहवाल पॉझिटीव्ह आला आहे. त्यामुळे, एनसीबीच्या कस्टडीतून रुग्णालयात त्याची रवानगी करण्यात आली आहे. तर, एजाजची चौकशी करणाऱ्या अधिकाऱ्यांना कोरोना चाचणी करण्यासाठी पाठविण्यात आले असून त्यांना क्वारंटाईन करण्यात आले आहे.  

Actor Ajaz Khan, who was arrested by Narcotics Contro Bureau (NCB) in a drug case, has tested positive for COVID-19. He is being shifted to a hospital. The officer involved in this probe will also undergo COVID test: NCB

(file photo) pic.twitter.com/a5nDB7xpGH

— ANI (@ANI) April 5, 2021

बिग बॉसमध्ये झळकला होता एजाज खान
एजाज खानने एक अभिनेता आणि एका अभिनेत्रीचे नाव घेतले असून या दोघांकडेही भारताचे नागरिकत्व नाहीये. हे दोघेही विदेशी नागरिक असून त्यांचा सध्या पोलिस त्यांचा शोध घेत आहे. तसेच त्यांच्या संपर्कात असलेल्या कलाकारांची देखील चौकशी केली जात आहे. एजाज खान बिग बॉसच्या सातव्या सिझनमध्ये झळकला होता. त्याने काही चित्रपट आणि मालिकांमध्ये देखील काम केले आहे. ड्रग्स बाळगल्याप्रकरणी 2018 मध्ये देखील एजाजला अटक करण्यात आली होती.