आफताबने श्रद्धाचा चेहरा बर्नरने जाळून विद्रूप केला

पोलिसांच्या आरोपपत्रानुसार, आफताब पूनावालाने तिची लिव्ह-इन पार्टनर श्रद्धा वालकरची हत्या केल्यानंतर तिचा चेहरा आणि डोके ओळखू नये यासाठी बर्नरने जाळून विद्रूप केला. 

नवी दिल्ली : दिल्लीतील श्रद्धा वालकर हत्या प्रकरणात नवा खुलासा झाला आहे. पोलिसांच्या आरोपपत्रानुसार, आफताब पूनावालाने तिची लिव्ह-इन पार्टनर श्रद्धा वालकरची हत्या केल्यानंतर तिचा चेहरा आणि डोके ओळखू नये यासाठी बर्नरने जाळून विद्रूप केला. 

श्रद्धाची हाडे जाळणे, ग्राइंडिंग मशीनमध्ये दळणे हा त्याचा पूर्वीचा खुलासा पोलिसांची दिशाभूल करण्यासाठी होता, अशी कबुली आफताबने दिली आहे. पोलिसांच्या ६,६०० पानांच्या आरोपपत्रानुसार, हत्येच्या रात्री तो त्याच्या घराजवळील हार्डवेअरच्या दुकानात गेला आणि त्याने एक करवत, तीन ब्लेड, एक हातोडा आणि प्लास्टिकची क्लिप विकत घेतली होती.