कॉर्डेलिया क्रूजच्या जहाजावर NCBची पुन्हा छापेमारी; ८ जणांना घेतले ताब्यात
By ऑनलाइन लोकमत | Published: October 4, 2021 04:54 PM2021-10-04T16:54:55+5:302021-10-04T16:54:55+5:30
Again NCB raid on a Cordelia cruise ship : आणखी ८ जणांना ताब्यात घेतल्याची माहिती समोर आली आहे.
कॉर्डेलिया क्रूजच्या जहाजावर NCBची पुन्हा छापेमारी; ८ जणांना घेतले ताब्यात
Next ड्रग्ज जप्त केलेल्या कॉर्डेलिया क्रुजच्या जहाजावर नार्कोटिक्स कंट्रोल ब्युरो (NCB) कडून आज सकाळी छापा टाकून तपासणी करण्यात आली. आज सकाळी हे जहाज मुंबईला परतलं असताना NCB ने ही कारवाई केली. त्यावेळी आणखी ८ जणांना ताब्यात घेतल्याची माहिती समोर आली आहे. जहाजाच्या रूममधून अमली पदार्थ देखील जप्त करण्यात आले आहे.
Maharashtra: A team of NCB officers conducts search at the cruise ship in Mumbai where drugs were seized, takes 8 more people into custody
— ANI (@ANI) October 4, 2021
नार्कोटिक्स कंट्रोल ब्युरोने शनिवारी रात्री उशिरा मुंबईहून गोव्याकडे जाणाऱ्या क्रूझ जहाजावर छापा टाकला, जिथे पार्टीसाठी बरेच लोक उपस्थित होते, अंमली पदार्थांचे सेवन केले जात होते. यापैकी ८ जणांना एनसीबीने ताब्यात घेतले आणि चौकशी सुरू केली, त्यापैकी तीन जणांना काल अटक करण्यात आली. NCB ने बॉलिवूड सुपरस्टार शाहरुख खानचा मुलगा आर्यन खान आणि दोन महिलांसह सात जणांना कॉर्डेलिया क्रूझ कंपनीच्या गोवा जाणाऱ्या जहाजावर छापे घातल्यानंतर अटक केली होती. शनिवारी संध्याकाळी, एनसीबीचे समीर वानखेडे यांच्या नेतृत्वाखाली एनसीबीच्या टीमने जहाजावर पार्टी आयोजित करण्यात आल्याच्या माहितीच्या आधारे जहाजावर छापा टाकला होता. अधिकाऱ्यांनी 13 ग्रॅम कोकेन, पाच ग्रॅम एमडी, 21 ग्रॅम चरस आणि 22 एक्स्टसीच्या गोळ्या आणि 1.33 लाख रुपये जप्त केले आहेत. छाप्यादरम्यान, मुंबई एनसीबीचे 20 हून अधिक अधिकारी ग्राहक म्हणून उभे असलेल्या जहाजावर चढले होते. जहाजावर 1,800 लोक होते. परंतु तपासणी केल्यानंतर आर्यन खानसह आठ जणांना वगळता एनसीबीने सर्वांना जाण्यास सांगितले गेले, असे अधिकाऱ्याने सांगितले. आर्यन खान व्यतिरिक्त अटक करण्यात आलेल्या आरोपींची ओळख मुनमुन धामेचा, अरबाज मर्चंट, इस्मीत सिंग, मोहक जसवाल, गोमित चोप्रा, नुपूर सारिका आणि विक्रांत चोकर अशी आहे.
ड्रग्स पार्टी आयोजित केली जाणार असल्याची माहिती मिळाल्यानंतर एनसीबीने क्रूझ शिप इव्हेंटवर 15-20 दिवस बारीक नजर ठेवली होती. नंतर, एनसीबीने शनिवारी छापा टाकला, असे अधिकाऱ्यांनी आधी सांगितले. त्यांनी म्हटले होते की, एनसीबी दिल्लीस्थित इव्हेंट मॅनेजमेंट कंपनी Namas’cray, Caneplus Trading Private Limited म्हणून नोंदणीकृत आणि क्रूझ कंपनी Cordelia Cruises च्या अधिकाऱ्यांची चौकशी करू शकते. (दिल्लीस्थित) फर्मला 2 ऑक्टोबर ते 4 ऑक्टोबर या कालावधीत होणाऱ्या कॉर्डेलिया क्रूझेस एम्प्रेस जहाजावरील कार्यक्रमाचे व्यवस्थापन करण्याचे काम सोपवण्यात आले होते.