Video : लोकलमध्ये पुन्हा स्टंटबाजी; तरुणांना पोलिसांनी ठोकल्या बेड्या 

या तरुणाला रोखून त्याला वडाळा स्थानकात त्यांना उतरवले.

ठळक मुद्दे हे स्टंट करत असताना वडाळा लोहमार्ग पोलिसांचा एक हवालदार या डब्ब्यात होता. मोसीनला वडाळा पोलिसांच्या ताब्यात देण्यात आले आहे. 

मुंबई - हार्बर मार्गावरील रेल्वेच्या लोकलमध्ये चेंबूर आणि वडाळा रेल्वेस्थानकादरम्यान लोकलमध्ये स्टंट करणाऱ्या दोघांना लोहमार्ग पोलिसांनीअटक केली आहे. मोहम्मद मोसीन असे यातील स्टंट करणाऱ्या तरुणाचे नाव आहे. त्याच्यासोबत त्याचा एक अल्पवयीन मित्र देखील होता. हे स्टंट करत असताना वडाळा लोहमार्ग पोलिसांचा एक हवालदार या डब्ब्यात होता. त्याने हा स्टंट मोबाईलमध्ये कैद केला आणि या तरुणाला रोखून त्याला वडाळा स्थानकात त्यांना उतरवले. मोसीनला वडाळा पोलिसांच्या ताब्यात देण्यात आले आहे. लोहमार्ग पोलीस, रेल्वे सुरक्षा दल वारंवार जनजागृती करून देखील अशा स्टंटबाजांवर कोणताही परिणाम होत नसल्याचं दिसून येत आहे.