दिल्लीत एअर होस्टेससोबत अत्याचार, तिने आरोपीला रूममध्ये बंद केलं अन् पोलिसांना बोलवलं

Crime News : पीडित तरूणी कशीबशी तिथून पळून जाण्यात यशस्वी ठरली. त्यानंतर  तिने बाहेरून रूमचा दरवाजा बंद केला.

Crime News :  दिल्लीच्या (Delhi Crime News) महरौलीमधून रेपची एक धक्कादायक घटना समोर आली आहे. इथे पोलिसांनी एका स्थानिक नेत्याला एअर होस्टेसवर अत्याचार केल्याबाबत अटक केली आहे. आरोपी यावेळी नशेत होता. आरोप आहे की, स्थानिक नेत्याने घर भाड्याने देण्याच्या बहाण्याने पीडितेच्या घरी येऊन तिच्यावर रेप केला. पीडित तरूणी कशीबशी तिथून पळून जाण्यात यशस्वी ठरली. त्यानंतर  तिने बाहेरून रूमचा दरवाजा बंद केला. पोलिसांनी त्याला अटक केली.

पोलिसांनुसार, पीडित तरूणी एका भाड्याच्या घरात राहत आहे आणि एका मोठ्या एअर लाइन कंपनीत एअर होस्टेस आहे. पीडिता यूपीच्या संभलमधील राहणारी आहे. पीडितेने दिलेल्या जबाबानुसार, ती तिच्यासाठी दुसरं भाड्याचं घर शोधत होती. घर शोधत असताना साधारण दीड महिन्याआधी तिची भेट हरजीत यादवसोबत झाली. 

हरजीतने पीडितेला घर शोधून देतो असं सांगितलं होतं. त्याबाबत त्यांचं नेहमीच फोनवर बोलणंही होत होतं. पीडितेच्या जबाबानुसार, 25 सप्टेंबरच्या राती हरजीत नशेत असताना पीडितेच्या घरी पोहोचला. त्याने एक घर शोधल्याचा दावा केला. त्यामुळे पीडितेने त्याला घरात बोलवलं.

घरात गेल्यावर हरजीतने पीडितेसोबत अत्याचार केला. विरोध केला तर पीडितेला मारहाण करण्यात आली. दरम्यान पीडितेने आरोपीला धक्का दिला आणि ती रूमबाहेर जाण्यात यशस्वी ठरली. तिने बाहेरून रूमचा दरवाजा बंद केला. त्यानंतर शेजाऱ्यांच्या मदतीने तिने पोलिसांना सूचना दिली. पोलिसांनी घटनास्थळी पोहोचून आरोपीला अटक केली.

पोलिसांनुसार, ही घटना दिल्लीच्या महरौलीची आहे. इथे पीडितेने सांगितल्यानुसार, आरोपीला अटक करून तुरूंगात पाठवण्यात आलं आहे. पीडितेचा मेडिकलनंतर जबाब घेण्यात आला.