लग्नानंतर २ महिने नवरीसोबत 'असं' काही घडलं; तिच्या पायाखालची जमीन सरकली, मध्यरात्री...
By ऑनलाइन लोकमत | Published: July 24, 2024 11:51 AM2024-07-24T11:51:14+5:302024-07-24T11:51:32+5:30
उत्तर प्रदेशात घडलेल्या या प्रकारानं पोलीसही चकीत झाले असून त्यांनी या घटनेचा तपास सुरू केला आहे.
![Alleged rape of woman by brother in law, in Uttar Pradesh, complaint filed in Pilibhit, police investigation underway | लग्नानंतर २ महिने नवरीसोबत 'असं' काही घडलं; तिच्या पायाखालची जमीन सरकली, मध्यरात्री... Alleged rape of woman by brother in law, in Uttar Pradesh, complaint filed in Pilibhit, police investigation underway | लग्नानंतर २ महिने नवरीसोबत 'असं' काही घडलं; तिच्या पायाखालची जमीन सरकली, मध्यरात्री...](https://d3pc1xvrcw35tl.cloudfront.net/images/420x315/crime-newshkw92_2024071272867.jpg)
लग्नानंतर २ महिने नवरीसोबत 'असं' काही घडलं; तिच्या पायाखालची जमीन सरकली, मध्यरात्री...
पीलीभीत - लग्नाची पहिली रात्र नव्या नवरा-नवरीसाठी अतिशय खास असते. परंतु जेव्हा नवरीला कळेल ती तिचं हनीमून नवऱ्यासोबत नसून अन्य कुणासोबत होत असेल तर काय होईल? कुठलीही महिला हे कधीच मान्य करणार नाही. मात्र उत्तर प्रदेशातील पीलीभीतमध्ये असाच काहीसा प्रकार समोर आला आहे. या महिलेसोबत जवळपास २ महिने तिच्या पतीने नव्हे तर दीराने रात्र काढली आहे.
लग्नानंतर या महिलेला झोपण्याआधी रोज मिठाई दिली जात होती. नवरीला एकदा संशय आला तेव्हा तिने एकदिवस मिठाई खाल्ली नाही त्या रात्री जे काही सत्य तिच्यासमोर आलं त्याने तिच्या पायाखालची जमीन सरकली. नवरीनं याबाबत सासरच्यांना सांगितले तेव्हा घरच्यांनी तिलाच नावं ठेवली. पतीनेही तिला साथ दिली नाही. त्यानंतर पत्नी माहेरी निघून गेली. तिने दीर, पती आणि सासरच्यांविरोधात तक्रार दाखल केली. या प्रकरणाचा तपास सुरू असून महिलेची मेडिकल चाचणीही करण्यात आली.
शक्तिफार्म परिसरात राहणाऱ्या नव्या नवरीनं पोलीस स्टेशनला तिच्यासोबत घडलेल्या प्रकाराबाबत तक्रार दिली. एप्रिल महिन्यात यूपीच्या पीलीभीत येथील युवकासोबत तिचं लग्न झालं होतं. नवरीनं तिच्या सासरच्या कुटुंबावर अनेक गंभीर आरोप लावले. पतीने हनीमूनच्या रात्री केकमध्ये गुंगीचे औषध खायला दिले असं तिने आरोप केला आहे. गुंगीमुळे ती बेशुद्धावस्थेत जायची. त्यानंतर दीर तिच्यावर बलात्कार करायचा. ती जेव्हा सकाळी उठायची तेव्हा तिच्यासोबत घडलेल्या प्रकाराची तिला जाणीव व्हायची. सासरी रोज रात्री असेच घडायला लागले. मिठाई खाल्ल्यानंतर गुंगी येते त्यानंतर पुढे काय घडते हे तिला आठवत नव्हते.
महिलेला काहीतरी संशयास्पद होतंय असं वाटत होते. अनेकदा दुसऱ्या दिवशी तिच्या बेडजवळ दीराला पाहिले आहे. सुरुवातीला ती त्याकडे दुर्लक्ष करायची मात्र २ महिन्यानंतर तिने एकेदिवशी पतीकडून दिली जाणारी मिठाई खाल्ली नाही त्यावेळी हा प्रकार उघडकीस आला. मध्यरात्री पती खोलीतून बाहेर गेला, त्यानंतर दीर खोलीत आला आणि तो तिच्यासोबत अश्लिल कृत्य करू लागला. तेव्हा नवरीनं आरडाओरड केली. सासरचे लोक तिथे पोहचले तेव्हा त्यांनी नवरीलाच धमकावणं सुरू केले. महिला दुसऱ्या दिवशी माहेरी गेली आणि घरच्यांना हा प्रकार सांगितला. त्यानंतर पोलीस ठाण्यात तक्रार नोंदवण्यात आली असून सध्या तपास सुरू आहे.