बुकी अनिल जयसिंघानीला अखेर मुंबई सत्र न्यायालयाकडून जामीन मंजूर; प्रकरण काय?

अमृता फडणवीस यांना ब्लॅकमेल केल्याप्रकरणी जयसिंघानीचं नाव आलं होतं चर्चेत

Anil Jaisinghani Bail, Amruta Fadnavis Blackmailing case : महाराष्ट्राचे उपमुख्यमंत्री देवेंद्र फडणवीस यांच्या पत्नी अमृता फडणवीस यांनी जून २०२३ मध्ये पोलिसात एक तक्रार दाखल केली होती. ही तक्रार बुकी अनिल जयसिंघानी जयसिंघानी आणि त्यांच्या मुलीवर ब्लॅकमेल आणि खंडणीचे आरोपासंदर्भात होती. याच अनिल जयसिंघानीला मुंबई सत्र न्यायालयाने आज एका प्रकरणात जामीन मंजूर केला. मे २०१५ मध्ये मुंबई उच्च न्यायालयाचा अनुकूल आदेश मिळवण्यासाठी वैद्यकीय अहवालाचा बनाव केल्याचा आरोप असलेल्या बुकी अनिल जयसिंघानी याला मुंबई सत्र न्यायालयाने जामीन मंजूर केला आहे. आझाद मैदान पोलीस ठाण्यात दाखल झालेल्या गुन्ह्यात जयसिंघानीने जामिनासाठी यावर्षी न्यायाधीश एस.डी. तावशीकर यांच्या खंडपीठासमोर अर्ज दाखल केला होता.

कोणत्या प्रकरणात मिळाला जामीन?

सध्याच्या प्रकरणात, जयसिंघानी यांनी उच्च न्यायालयाकडून अटकपूर्व जामीन मिळविण्यासाठी बनावट वैद्यकीय प्रमाणपत्राचा वापर केल्याचा आरोप फिर्यादी पक्षाने केला आहे. मेडिकल सर्टिफिकेटमधील 'मे' हा शब्द 'मस्ट' असा बदलून खोटी कागदपत्र तयार करण्यात आल्याचा आरोप आहे.

फिर्यादीनुसार, 2015 मध्ये, अंमलबजावणी संचालनालयाने (ईडी) जयसिंघानी यांच्याविरुद्ध अहमदाबादमध्ये मनी लाँड्रिंगचा खटला दाखल केला तेव्हा त्याने मुंबई उच्च न्यायालयात तीन आठवड्यांसाठी ट्रान्झिट जामीन मागितला होता. अहमदाबादमधील विशेष पीएमएलए कोर्टाने जारी केलेल्या अजामीनपात्र वॉरंटनंतर हे पाऊल उचलण्यात आले. तथापि, जयसिंघानी या प्रकरणात कथितरित्या फरार झाला, ज्यामुळे आझाद मैदान पोलिसांनी घोषणापत्रे आणि मालमत्ता जप्त केली. अखेरीस त्याला 26 जून 2023 रोजी अटक करण्यात आली आणि त्याच्या अटकेच्या तीन महिन्यांत आरोपपत्र दाखल करण्यात आले.