भारतीय कपल परदेशात फिरून परतलं, घेऊन आले ४५ बंदुका, अधिकाऱ्यांचे डोळेच फिरले!
By ऑनलाइन लोकमत | Published: July 13, 2022 05:06 PM2022-07-13T17:06:59+5:302022-07-13T17:07:33+5:30
दिल्लीच्या विमानतळावर एक कपल व्हिएतनाममधून परतलं पण त्यांच्याकडे तब्बल ४५ बंदुका सापडल्यानं एकच खळबळ उडाली आहे. विमानतळावर हे कपल पोहोचल्यानंतर चौकशी दरम्यान त्यांच्याकडे दोन ट्रॉली आढळल्या.
भारतीय कपल परदेशात फिरून परतलं, घेऊन आले ४५ बंदुका, अधिकाऱ्यांचे डोळेच फिरले!
Next नवी दिल्ली-
दिल्लीच्या विमानतळावर एक कपल व्हिएतनाममधून परतलं पण त्यांच्याकडे तब्बल ४५ बंदुका सापडल्यानं एकच खळबळ उडाली आहे. विमानतळावर हे कपल पोहोचल्यानंतर चौकशी दरम्यान त्यांच्याकडे दोन ट्रॉली आढळल्या. यात तब्बल २२ लाख रुपये किमतीच्या ४५ बंदुका आढळून आल्या. इतक्या मोठ्या प्रमाणात बंदुका पाहून विमानतळावरील कस्टम विभागाच्या अधिकाऱ्यांचे डोळेच फिरले. त्यांनी तातडीनं संबंधित कपलला अटक केली.
दोघांची सखोल चौकशी केली असता त्यांनी याआधीही अशाच प्रकारे २५ बंदुकांची तस्करी केल्याचं कबुल केलं आहे. याआधी त्यांनी अशापद्धतीनं १२ लाख रुपयांच्या किमतीच्या बंदुकांची तस्करी केली होती. दोघांनाही पोलिसांनी ताब्यात घेतलं असून त्यांची पुढील चौकशी सुरू आहे.
Delhi | An Indian couple that arrived from Vietnam was nabbed & 45 guns worth over Rs 22 lakh from two trolley bags seized. They admitted their previous indulgence in smuggling 25 pieces of guns having a value of over Rs 12 lakh: Commissioner of Customs, IGI Airport & General pic.twitter.com/TvjNbJt5yA
— ANI (@ANI) July 13, 2022
दरम्यान, जप्त करण्यात आलेल्या बंदुका खऱ्या की खोट्या याची चाचणी बॅलेस्टीक अहवालानंतरच येईल. पण प्रथम दर्शनी राष्ट्रीय सुरक्षा रक्षकांकडून (NSG) जप्त करण्यात आलेल्या सर्व बंदुका खऱ्या आणि पूर्णपणे कार्यरत असल्याचं सांगितलं आहे.