खळबळजनक! आधी आईने १४ वर्षीय मुलीची केली हत्या, नंतर ११ वर्षीय मुलाने आईचा घेतला जीव...

धक्कादायक बाब म्हणजे महिलेने कथितपणे आपल्या १४ वर्षीय मुलीची हत्या केली होती. पोलिसांनी ११ वर्षीय आरोपीला ताब्यात घेतलं आहे. 

आंध्र प्रदेशच्या कडप्पा शहरातून डबल मर्डरची एक फारच खळबळजनक आणि विश्वास न ठेवता येणारी घटना घडली आहे. येथील कडप्पा शहरात बुधवारी रात्री एका महिलेची तिच्या ११ वर्षीय मुलाने कथितपणे आपल्याच राहत्या घरात हत्या केली. धक्कादायक बाब म्हणजे महिलेने कथितपणे आपल्या १४ वर्षीय मुलीची हत्या केली होती. पोलिसांनी ११ वर्षीय आरोपीला ताब्यात घेतलं आहे. 

रिपोर्ट्सनुसार, मृत महिला आपल्या १४ वर्षीय मुलीसोबत आणि ११ वर्षीय मुलासोबत कडप्पा नकाश स्ट्रीटवर राहत होती. बुधवारी रात्री महिलेने मुलीला जास्त फोन वापरण्यावरून रागावलं होतं. पण दोघींची जोरदार भांडण झालं. महिलेचा राग इतका अनावर झाला की, तिने शॉलने आपल्या मुलीचा गळा आवळून तिची हत्या केली.

जेव्हा महिलेने कथितपणे मुलीची हत्या केली तेव्हा तिचा ११ वर्षाचा मुलगा तिथे उपस्थित होता. त्याने आईला बहिणीचा जीव घेताना पाहिलं होतं. त्यामुळे तोही संतापला होता. याच रागात त्याने आईवर चाकूने हल्ला केला. ज्यामुळे तिचा मृत्यू झाला. त्यानंतर पोलिसांनी आरोपीला ताब्यात घेतलं आणि त्याच्यावर गुन्हा दाखल केला.