तुझ्यासाठी काय पण! प्रियकराला नोकरीवरून काढल्यानंतर प्रेयसीने ठरवले सूड घेण्याचं अन्...

Crime News : कंपनीचे जीएम हरीश मडापल्लीकट्टी गोपालन यांनी परमारविरोधात कॅंढीधाम पोलिसात गुन्हा दाखल केला होता.

ठळक मुद्देगांधीधाम पोलिसांनी दिलेल्या माहितीनुसार, गांधीधाम येथे कॅनम इंटरनॅशनल (पी) लिमिटेड येथे ५ जुलै रोजी सायंकाळी ५.३० वाजताच्या सुमारास ही घटना घडली.

राजकोट - गांधीधाम येथील एका फर्ममध्ये काम करणाऱ्या एका महिला कर्मचाऱ्याने तिच्या प्रियकराला नोकरीवरून काढून टाकल्यानंतर सूड घेण्यासाठी कारखान्याचा युनिट जाळण्याचा प्रयत्न केला. गांधीधाम पोलिसांनी दिलेल्या माहितीनुसार, गांधीधाम येथे कॅनम इंटरनॅशनल (प्रा.) लिमिटेड येथे ५ जुलै रोजी सायंकाळी ५.३० वाजताच्या सुमारास ही घटना घडली.

गांधीधाम येथील गणेश नगर येथील रहिवासी आणि मूळचे बनसकंठा येथील मायाबेन परमार (२४) हिने लाइटरचा वापर करून फॅब्रिकला पेटविण्याचा प्रयत्न केला आणि कपड्याने भरलेल्या ट्रॉलीला जाळले. "युनिटमधील कामगारांनी ही आग पाहिली आणि तातडीने आग विझविली. आग लागल्याची घटना घडल्यामुळे युनिटमध्ये मोठ्या प्रमाणात कापडाचा साठा असल्याने मोठा अनर्थ टळला. घटना घडल्यानंतर आग कशी लागली याचा तपास करण्यासाठी व्यवस्थापनाने सीसीटीव्ही फुटेज तपासले. त्यात परमारने आग लावल्याचे दिसत असल्याचे  पोलीस सूत्रांनी सांगितले. 

सूत्रांनी सांगितले की, कॅनम इंटरनॅशनल (प्रा.) लिमिटेडने वापरलेल्या कपड्यांचे क्रमवारी लावणे व पुनर्वापर करण्यात विशेष काम केले आहे. वापरलेल्या कपड्यांच्या प्लांटच्या पूर्ण काम प्रक्रियेमध्ये सॉर्टिंग, ग्रेडिंग पॅकिंग आणि डिस्पॅच केले जाते. "व्यवस्थापनाने परमारला कारखाना का जाळून टाकायचा होता असल्याचे विचारले असता कंपनीने तिच्या प्रियकराला (एमआयडी) नोकरीवरून काढून टाकल्यानंतर तिला राग आला असल्याचे उघडकीस आले.  आपल्या प्रियकराला कामावरून काढल्याने सूड घेण्यासाठी प्रेयसीने युनिटला जाळण्याचे ठरविले, असे एका अधिकाऱ्याने सांगितले. यानंतर कंपनीचे जीएम हरीश मडापल्लीकट्टी गोपालन यांनी परमारविरोधात कॅंढीधाम पोलिसात गुन्हा दाखल केला होता.