महिलेसमोर अश्लील चाळे करणा-या रिक्षा चालकाला अटक

गेल्या बुधवारी रिक्षा चालकाने एका महिलेसमोर अश्लील चाळे केल्याची घटना समोर आली होती. याप्रकरणी मुंबई पोलिसांनी रिक्षा चालकाला शुक्रवारी रात्री अटक केली आहे.

मुंबई : गेल्या बुधवारी रिक्षा चालकाने एका महिलेसमोर अश्लील चाळे केल्याची घटना समोर आली होती. याप्रकरणी मुंबई पोलिसांनी रिक्षा चालकाला शुक्रवारी रात्री अटक केली आहे. राजबहादूर पाल असे या रिक्षा चालकाचे नाव आहे. 
गेल्या 22 तारखेला रात्रीच्या सुमारास मालाड येथून बोरिवलीला जाण्यासाठी पीडित महिलेने घरी जाण्यासाठी रिक्षा पकडली. त्यानंतर रिक्षा चालकाने अचानक रस्त्यामध्येच रिक्षा थांबवून चालकाने महिलेसमोर पँट काढून हस्तमैथून करण्यास सुरूवात केली. या प्रकारामुळे घाबरलेल्या महिलेने रिक्षातून पळ काढला. 

Mumbai: Auto-rickshaw driver Rajbahadur Pal arrested by police yesterday for allegedly masturbating in front of a girl passenger who took the rickshaw from Malad for her residence in Borivali on August 22.

— ANI (@ANI) August 25, 2018

पीडित महिलेने ही धक्कादायक घटना सोशल मीडियावर पोस्ट केली आणि झालेला प्रकार सांगितला. ज्यावेळी हा  प्रकार घडला, त्यावेळी काहीज त्याठिकाणी होते. मात्र, कोणीही मदतीसाठी पुढे आले नाही, असे पीडित महिलेने सांगितले. तसेच, ही घटना घडली तेव्हा घर काही मिनिटांच्या अंतरावर असल्याने वाईट प्रसंगातून बचावले असल्याचेही पीडित महिलेने सांगितले. 
दरम्यान, सोशल मीडियावरील या घटनेच्या पोस्टनंतर मुंबई पोलिसांनी या पीडित महिलेचा जबाब घेत तक्रार नोंदवून घेतली आणि अखेर त्या रिक्षा चालकाला अटक केली.