लाॅकडाऊनने कोसळली बेरोजगारीची कुऱ्हाड; ऑटोचालकाची गळफास लावून आत्महत्या

Suicide Case : रोजगार नसल्याने उदरनिर्वाहाचा प्रश्न निर्माण झाल्यामुळे यवतमाळ शहरालगतच्या चापडोह येथे ऑटो चालकाने गळफास लावून आत्महत्या केली.

ठळक मुद्देनंदकुमार तानबाजी फुलुके (२७) असे मृत ऑटो चालकाचे नाव आहे. राजू तानबाजी फुलुके याच्या फिर्यादीवरून अवधूतवाडी पोलिसांनी अकस्मात मृत्यूची नोंद घेतली.

यवतमाळ - कोरोना महामारी थांबविण्यासाठी लाॅकडाऊन लावण्यात आले आहे. यात दोन वर्षापासून ऑटो चालकांचा व्यवसायच बुडाला आहे. रोजगार नसल्याने उदरनिर्वाहाचा प्रश्न निर्माण झाल्यामुळे यवतमाळ शहरालगतच्या चापडोह येथे ऑटो चालकाने गळफास लावून आत्महत्या केली. ही घटना शुक्रवारी सकाळी ७.३० वाजता उघडकीस आली. 

नंदकुमार तानबाजी फुलुके (२७) असे मृत ऑटो चालकाचे नाव आहे. नंदकुमार याच्याकडे स्वत:चा परवानाधारक ऑटो आहे. तो कुटुंबापासून वेगळा राहत होता.  लाॅकडाऊनमुळे त्याच्या हातचा रोजगार बुडाला. त्याच्याकडे शेती असूनही ती पेरण्यासाठी यंदा पैसा नसल्याने तो आणखीच विवंचनेत होता. यातून नैराश्यात गेलेल्या नंदकुमारने घरात गळफास लावून आत्महत्या केली. हा प्रकार त्याच्या भावाच्या निदर्शनास आला. त्याने याची माहिती अवधूतवाडी पोलिसांना दिली. राजू तानबाजी फुलुके याच्या फिर्यादीवरून अवधूतवाडी पोलिसांनी अकस्मात मृत्यूची नोंद घेतली.

जेलमध्ये जाण्याची होती हौस; त्यानं पोलिसांना कॉल करून दिली थेट पंतप्रधानांना मारण्याची धमकी अन्...https://t.co/CE4knNBV4t

— Lokmat (@MiLOKMAT) June 4, 2021