12वीत शिकत असलेल्या विद्यार्थ्याच्या बीए पास पत्नीने केली आत्महत्या, 5 महिन्यांआधीच झालं होतं लग्न

Rajasthan : महिला रक्षाबंधनासाठी माहेरी गेली होती. तीन दिवसांनी परत आल्यावर तिने आत्महत्या केली. सूनेचा मृतदेह लटकलेला पाहून सासरच्या लोकांना चांगला धक्का बसला.

राजस्थानच्या (Rajasthan) बांसवाडा जिल्ह्यात एक नव्या नवरीच्या मृत्यूने सर्वांना धक्का बसला आहे. महिलेने रक्षाबंधनाच्या तीन दिवसांनंतर आपल्या सासरी गळफास घेऊन आत्महत्या केली. आत्महत्या करणारी महिला तिच्या पतीपेक्षा तीन वर्षांनी मोठी होती. महिला बीए पास होती तर तिचा पती अजूनही 12 सायन्सचा विद्यार्थी आहे. महिला रक्षाबंधनासाठी माहेरी गेली होती. तीन दिवसांनी परत आल्यावर तिने आत्महत्या केली. सूनेचा मृतदेह लटकलेला पाहून सासरच्या लोकांना चांगला धक्का बसला.

पोलिसांनुसार, ही घटना बांसवाडा जिल्ह्याच्या भूंगडा भागातील आहे. पोलिसांनी सांगितलं की, 22 वर्षीय नीमाचं लग्न 5 महिन्यांआधी गणेशलाल चरपोटासोबत झालं होतं. लग्नानंतर दोघेही आनंदाने संसार करत होते. राखीच्या दिवशी दोघेही महिलेच्या माहेरी घाटोलला गेले होते. रक्षाबंधन करून पती-पत्नी दोघेही घरी परत आले.

महिलेच्या गावाहून परत आल्यावर पती गणेशलाल शेतात गेला होता. तेव्हाच महिला नीमाने घरात गळफास घेऊन आत्महत्या केली. पोलिसांना घटनेची सूचना शनिवारी रात्री 8 वाजता देण्यात आली. त्यानंतर त्यांनी घटनास्थळी पोहोचून महिलेचा मृतदेह खाली काढला. त्यानंतर तिचा मृतदेह पोस्टमार्टमसाठी पाठवण्यात आला. 

प्राथमिक तपासातून समोर आलं की, घटनेवेळी महिलेचा पती शेतात गेला होता आणि सासू-सासरेही घरात नव्हते. सासरच्या लोकांनी सांगितलं की, महिलेने घराचा दरवाजा आतून बंद करून गळफास घेतला. पण महिलेच्या कुटुंबियांनी तिच्या हत्येचा संशय व्यक्त केला. पोलिसांनी दोन्ही पक्षांचे जबाब घेऊन प्रकरणाचा तपास सुरू केला आहे. आत्महत्येचं कारण अजूनही समजू शकलेलं नाही.