Baba Siddiqui :"लॉरेन्स बिश्नोई गँगने मूर्ख बनवलं, दाऊदचा फोटो दाखवला अन्..."; आरोपीचा खळबळजनक खुलासा

Baba Siddiqui : बाबा सिद्दिकी हत्या प्रकरणातील मुख्य शूटर शिवकुमारने क्राईम ब्रँचच्या चौकशीदरम्यान पुन्हा एकदा खळबळजनक खुलासा केला आहे.

अजित पवार गटाचे नेते बाबा सिद्दिकी हत्या प्रकरणातील मुख्य शूटर शिवकुमारने क्राईम ब्रँचच्या चौकशीदरम्यान पुन्हा एकदा खळबळजनक खुलासा केला आहे. लॉरेन्स बिश्नोई गँगने आपल्याला मूर्ख बनवलं असं सांगितलं. सूत्रांनी दिलेल्या माहितीनुसार, या प्रकरणातील फरार आरोपी शुभम लोणकर याने अनेकवेळा अंडरवर्ल्ड डॉन दाऊद इब्राहिमचा फोटो शिवकुमार गौतमला दाखवला होता.

फरार आरोपी शुभम लोणकरने बाबा सिद्दिकी यांचा फोटो शिवकुमार गौतमला दाखवला होता आणि सांगितलं की, बाबा सिद्दिकी यांचे दाऊद इब्राहिमशी संबंध आहेत. तसेच दाऊद इब्राहिम देशाचा शत्रू असल्याचं देखील नेहमी सांगत असे. क्राईम ब्रँचच्या चौकशीदरम्यान शिवकुमार गौतमने सांगितलं की, लॉरेन्सची बिश्नोई गँगने त्याची दिशाभूल केली आहे.

क्राइम ब्रँचच्या चौकशीदरम्यान पोलिसांनी शिवकुमार गौतमला सांगितलं की, बाबा सिद्दिकी आणि दाऊदचा कोणताही संबंध पोलिसांना सापडला नाही, तेव्हा शिवकुमार गौतम हैराण झाला, त्याने सांगितलं की, शुभम लोणकरने आम्हाला खोटं गोष्ट सांगून यामध्ये अडकवलं आणि हत्या करण्यासाठी प्रवृत्त केलं. 

क्राइम ब्रँचच्या सूत्रांनी दिलेल्या माहितीनुसार, लॉरेन्स बिश्नोई गँग अशाच प्रकारे कमी शिकलेल्या किंवा जेलमध्ये गेलेल्या लोकांना खोट्या गोष्टी सांगून त्यांची दिशाभूल करतं आणि त्यांच्याकडून आपलं काम करून घेते. बाबा सिद्दिकी यांच्या हत्याप्रकरणात रोज नवनवीन खुलासे होत आहेत. याप्रकरणी आतापर्यंत अनेकांना अटक करण्यात आली आहे.