भयंकर! मित्रांसोबत फिरायला गेलेल्या तरुणीचं अपहरण करुन सामूहिक बलात्कार; घटनेने खळबळ

Crime News : आपल्या मित्रांसोबत स्कूटीवर फिरायला गेलेल्या तरुणीचं काही तरुणांनी अपहरण केलं. आरोपींनी तिच्यावर सामूहिक बलात्कार केल्याचा प्रकार समोर आला आहे.

नवी दिल्ली - देशामध्ये महिलांवरील अत्याचाराच्या आणि बलात्काराच्या घटनेत सातत्याने वाढ होत आहे. याच दरम्यान एक भयंकर घटना समोर आली आहे. आपल्या मित्रांसोबत फिरायला गेलेल्या तरुणीवर सामूहिक बलात्कार झाल्याची धक्कादायक घटना समोर आली आहे. मिळालेल्या माहितीनुसार, उत्तर प्रदेशच्या बरेलीमध्ये ही घटना समोर आली आहे. आपल्या मित्रांसोबत स्कूटीवर फिरायला गेलेल्या तरुणीचं काही तरुणांनी अपहरण केलं. आरोपींनी तिच्यावर सामूहिक बलात्कार केल्याचा प्रकार समोर आला आहे. तसेच पीडित तरुणीला आणि तिच्या मित्रांना बेदम मारहाण करण्यात आली. 

तरुणी मित्रांसोबत फिरायला गेली असताना काही तरुणांनी त्यांना अडवलं आणि पीडित तरुणीला एका अज्ञातस्थळी नेलं. आरोपींनी तिच्यावर सामूहिक बलात्कार केला. या प्रकरणी इज्जतनगर पोलिसांत गुन्हा दाखल करण्यात आला आहे. मुलीच्या भावाने दिलेल्या माहितीनुसार, 31 मे रोजी त्याची बहीण फिरण्यासाठी घराबाहेर पडली होती. तिचे दोन मित्र अर्णव आणि सागर घराबाहेर आले. त्यावेळी ती त्यांच्यासोबत बाहेर फिरायला गेली. इज्जतनगर परिसरातील भगवानपूर धिमरी येथे पाच ते सहा जणांच्या टोळक्याने पीडित मुलगी आणि तिच्या मित्रांना थांबवले. 

भाजपा कार्यालयाजवळ इतक्या मोठ्या संख्येने बॉम्ब सापडल्याने परिसरात एकच खळबळ #WestBengal#Kolkata#BJP#Bomb#Crimehttps://t.co/graWHtTbJl

— Lokmat (@MiLOKMAT) June 6, 2021

मित्रांना जोरदार मारहाण करण्यास सुरुवात केली. यामध्ये ते दोघेही गंभीररित्या जखमी झाले. मदतीसाठी आरडाओरडा केला असता चाकूचा धाक दाखवत सर्वांना मारण्याची धमकी दिली आणि तरुणीचं अपहरण केलं. यानंतर एका अज्ञातस्थळी नेत तिच्यावर बलात्कार केला. या घटनेनंतर पीडित मुलगी खूपच घाबरलेली होती. तिने आपल्या कुटुंबियांना घडलेला प्रकार सांगितला नाही. मात्र अखेर शनिवारी पीडित मुलीने घडलेला प्रकार आपल्या बहिणीला सांगितला आणि त्यानंतर सर्वांनाच एक धक्का बसला. 

CoronaVirus Live Updates : धक्कादायक! आई-वडिलांच्या मृत्यूमुळे दीड महिन्यांचं बाळ आणि तीन वर्षांचा चिमुकला झाला पोरका; मन हेलावणारी घटना#coronavirus#CoronavirusIndia#CoronaUpdatesInIndia#COVID19India#coronainindiahttps://t.co/Pw4AO53Fv7

— Lokmat (@MiLOKMAT) June 4, 2021

पीडित मुलीने आपल्या कुटुंबीयांसह पोलीस ठाण्यात तक्रार दाखल केली आहे. या घटनेप्रकरणी वरिष्ठ पोलीस अधिक्षक रोहित सिंह सजवाण यांनी दिलेल्या माहितीनुसार, पीडित तरुणीच्या तक्रारीनुसार, आरोपींच्या विरोधात एफआयआर दाखल करण्यात आला आहे. आरोपींना पकडण्यासाठी प्रयत्न सुरू आहेत. पोलीस या प्रकरणाचा अधिक तपास करत आहेत. या घटनेने परिसरात एकच खळबळ उडाली आहे. देश कोरोनाच्या संकटाचा सामना करत असतानाच अशा धक्कादायक घटना समोर येत आहेत. एका हिंदी वेबसाईटने याबाबतचे वृत्त दिले आहे.

CoronaVirus News : बापरे! शोकसभेनंतर दुसऱ्याच दिवशी घरी आली महिला; नातेवाईकांना बसला मोठा धक्का#coronavirus#CoronavirusIndia#CoronaUpdatesInIndia#COVID19India#coronainindiahttps://t.co/ceFptZr2tW

— Lokmat (@MiLOKMAT) June 4, 2021