संतापजनक! नराधमांनी बाईक रोखली, जबरदस्तीनं गाडीत बसवलं; पतीसमोरच पत्नीवर गँगरेप केला अन्...
By ऑनलाइन लोकमत | Published: August 11, 2021 12:26 PM2021-08-11T12:26:13+5:302021-08-11T12:27:25+5:30
मात्र तिथे असणाऱ्या तिघांनी पती-पत्नीला पकडून ठेवलं. तिघांनी पतीला बेदम मारहाण करत दोघांना गाडीत बसवलं आणि एका निर्जनस्थळी घेऊन गेले.
संतापजनक! नराधमांनी बाईक रोखली, जबरदस्तीनं गाडीत बसवलं; पतीसमोरच पत्नीवर गँगरेप केला अन्...
बाडमेर – राजस्थानच्या बाडमेर जिल्ह्यात लाजिरवाणी घटना घडली आहे. याठिकाणी ३ जणांच्या टोळक्यांनी पतीसमोरच त्याच्या पत्नीवर गँगरेप केला आहे. पती-पत्नी बाईकवरुन बालोतरा ते सरणू मार्गे बाडमेरला जात होते. त्यावेळी सरणू टोलच्या पुढे गेल्यावर गाडीत बसलेल्या ४ टोळक्यांनी पती-पत्नीची बाईक थांबवली. एकानं पतीला मारहाण करण्यास सुरुवात केली अन् बाईक घेऊन पसार झाला.
मात्र तिथे असणाऱ्या तिघांनी पती-पत्नीला पकडून ठेवलं. तिघांनी पतीला बेदम मारहाण करत दोघांना गाडीत बसवलं आणि एका निर्जनस्थळी घेऊन गेले. त्यानंतर पतीसमोरच तिघांनी त्याच्या पत्नीवर एका मागोमाग एक असं करत सामूहिक बलात्कार केला. या दोघांनी आम्हाला सोडून द्या असं वारंवार विनवणी केली परंतु तिघा नराधमांना कुठलीही दया आली नाही. पोलिसांनी सध्या या तिघा आरोपींना अटक केली आहे. या प्रकरणाचा आणखी तपास केला जात आहे.
या प्रकरणाबाबत पोलीस उपअधीक्षक शुभकरण म्हणाले की, मंगळवारी पती पत्नी बाईकवर बसून बाडमेरला जात होते. त्यावेळी टोल नाका क्रॉस केल्यानंतर एका इको गाडीत बसलेल्या ४ नराधमांनी दाम्पत्याची बाईक थांबवली. सुरुवातीला पत्नीसमोरच पतीचा बेदम मारहाण करण्यात आली. त्यानंतर दोघांना इको गाडीत बसवून निर्जनस्थळी नेले. याठिकाणी पतीसमोर तिघांनी महिलेवर गँगरेप केला. त्यानंतर या दोघांनाही टोल प्लाझापासून काही अंतरावर गाडीतून फेकण्यात आले. गंभीर अवस्थेत असणाऱ्या या दोघांना स्थानिकांनी ग्रामीण रुग्णालयात उपचारासाठी दाखल केले. पोलीस आणखी तपास करत आहेत.
पती-पत्नीवर रुग्णालयात उपचार सुरू
घटनेचं गांभीर्य लक्षात घेता बाडमेर पोलीस अधीक्षकांनी तात्काळ घटनेच्या तपासासाठी एक पथक तयार केले. त्यानंतर आरोपींच्या शोधात असलेल्या पथकाने तिघांच्या मुसक्या आवळल्या. या आरोपींची चौकशी सुरू आहे. गँगरेपनंतर महिलेचे तब्येत खूप खराब झाली आहे. पीडित महिलेवर रुग्णालयात उपचार सुरू आहेत. पोलिसांनी या प्रकरणात गँगरेपचा गुन्हा नोंदवून चौकशी सुरू केली आहे. तर एका आरोपीचा अद्यापही शोध सुरू असल्याचं पोलीस म्हणाले.
