माणुसकीला काळीमा! स्मशानभूमीत झाडाला बांधून तरुणाला बेदम मारहाण, नाक कापण्याचा प्रयत्न

Crime News : एका तरुणाचं अपहरण करून त्याला स्मशानभूमीत नेऊन बेदम मारहाण करण्यात आल्याची घटना समोर आली आहे.

नवी दिल्ली - राजस्थानच्या बारमेरमध्ये माणुसकीला काळीमा फासणारी एक घटना घडली आहे. एका तरुणाचं अपहरण करून त्याला स्मशानभूमीत नेऊन बेदम मारहाण करण्यात आल्याची घटना समोर आली आहे. स्मशानभूमीतील एका झाडाला बांधून तरुणाला काही अज्ञातांनी गंभीर मारहाण केली आहे. धक्कादायक बाब म्हणजे आरोपींनी संबंधित तरुणाचं धारदार शस्त्राने नाक कापण्याचाही प्रयत्न केला आहे. या हल्ल्यात पीडित तरुणाच्या नाकाला गंभीर दुखापत झाली असून शरिरीवर अनेक ठिकाणी जखमा झाल्या आहेत. तरुणाला उपचारासाठी रुग्णालयात दाखल करण्यात आले आहे. 

मिळालेल्या माहितीनुसार, राजस्थानातील बाडमेर जिल्ह्यातील सिंधवास गावात ही भयंकर घटना घडली. गावात राहणाऱ्या एका तरुणाचं काही जणांनी अपहरण केलं होतं. यानंतर आरोपींनी त्याला सरणू येथील स्मशानभूमीत घेऊन गेले, त्याठिकाणी आरोपींनी संबंधित तरुणाला झाडाला बांधलं आणि बेदम मारहाण केली आहे. याप्रकरणाची माहिती मिळताच तातडीने पोलीस घटनास्थळी दाखल झाले आणि त्यांनी तरुणाची सुटका केली. तरुणाला उपचारासाठी रुग्णालयात दाखल केलं आहे. 

भयंकर! रागाच्या भरात त्याने धारदार शस्त्राने पत्नीवर वार केला अन्...https://t.co/4zRkPcKTar#crimesnews#crime#husband#Police

— Lokmat (@MiLOKMAT) March 15, 2021

मिळालेल्या माहितीनुसार जखमी तरुण हा भलीसर धोरीमन्ना येथील रहिवासी असून कुंम्भाराम असं त्याचं नाव आहे. सरली येथील रहिवासी असलेल्या श्रवणकुमार आणि त्याच्या इतर पाच ते सात साथीदारांनी मिळून तरुणाचं अपहरण केलं. अपहरणानंतर त्याला मारहाण करत सरणू येथील स्मशानभूमीत आणण्यात आलं. येथील एका झाडाला दोरीने घट्ट बांधून त्याला पुन्हा मारहाण केली. यानंतर आरोपींनी धारदार शस्त्राने युवकाचं नाक कापण्याचा प्रयत्न केला आहे. या हल्ल्यात संबंधित तरुण गंभीर जखमी झाला असून त्याच्यावर रुग्णालयात उपचार केले जात आहेत. पोलीस या प्रकरणाचा अधिक तपास करत आहेत. एका हिंदी वेबसाईटने याबाबतचे वृत्त दिले आहे. 

मोठमोठ्या नेत्यांसोबत ओळख असल्याचं सांगून देत होता धमकीhttps://t.co/WhKDTUr2c5#BJP#crime#crimesnews#Police

— Lokmat (@MiLOKMAT) March 15, 2021

क्रूरतेचा कळस! दारूसाठी पैसे न दिल्याने कापले पत्नीचे ओठ आणि नाक, घटनेने खळबळ

राजस्थानच्या जोधपूरमध्ये नात्याला काळीमा फासणारी एक घटना घडली आहे. नशेत असलेल्या पतीने धारदार शस्त्राने आपल्या पत्नीचं नाक आणि ओठ कापल्याचा भयंकर प्रकार समोर आला आहे. धक्कादायक बाब म्हणजे दारूसाठी पत्नीने पैसे दिले नाहीत म्हणून नवराने टोकाचं पाऊल उचलत पत्नीवर अशा प्रकारे हल्ला केला आहे. यामध्ये जखमी झालेल्या महिलेला उपचारासाठी तातडीने रुग्णालयात दाखल करण्यात आले आहे. महिलेने रुग्णालयातूनच पोलिसांना फोन करून या घटनेची माहिती दिली आहे. 

"तुम्ही आणि तुमच्या घरचे मला जगू देत नाहीत", खासदाराच्या घराबाहेरचं कापून घेतली हाताची नसhttps://t.co/Rr5An2du1y#crime#CrimeNews#Suicide#BJPpic.twitter.com/38wd2yZlHC

— Lokmat (@MiLOKMAT) March 15, 2021