केस मागे घेण्यासाठी बलात्कार पीडितेला मारहाण; गर्भपात, पोलीसही तक्रार घेईनात, शेवटी...

नोएडा कोतवाली फेज-२ भागात अल्पवयीन मुलीवर बलात्कार झाल्यानंतर आता ननंद-वहिणीसोबत विनयभंगाची घटना समोर आली आहे.

देशातील गुन्हेगारीची राजधानी बनलेल्या उत्तर प्रदेशमध्ये बलात्कार पीडितेसोबत धक्कादायक घटना घडली आहे. खटला मागे घेण्यासाठी बलात्कार पीडितेवर आरोपी वारंवार दबाव आणत आहेत. तर तिच्या सुरक्षेची जबाबदारी असलेले पोलीस त्या महिलेची तक्रारही ऐकायला तयार नाहीय. आरोपींनी महिलेला एवढी मारहाण केली की तिचा गर्भपात झाला आहे. 

पोलीसही तक्रार घेत नाहीत म्हणून ही महिला कोर्टात गेली, तिथे तिला दिलासा मिळाला आहे. न्यायालयाच्या आदेशानुसार तीन जणांची नावे घेऊन ५ जणांविरुद्ध गुन्हा दाखल करण्यात आला आहे. याप्रकरणी पोलिसांनी तपास सुरू केला आहे. त्याचबरोबर आरोपींवर लवकरात लवकर कारवाई करण्याची मागणी करण्यात आली आहे.

नोएडा कोतवाली फेज-२ भागात अल्पवयीन मुलीवर बलात्कार झाल्यानंतर आता ननंद-वहिणीसोबत विनयभंगाची घटना समोर आली आहे. घरभाडे वसूल करण्यासाठी येणाऱ्या केअरटेकरवर विनयभंगाचा आरोप करण्यात आला आहे. तरुणीच्या तक्रारीवरून पोलिसांनी गुन्हा दाखल केला आहे. पीडितेने पोलिसांना दिलेल्या तक्रारीत घटनेची माहिती दिली आहे. ती कोतवाली परिसरातील एका गावात भाड्याच्या घरात राहते. त्यांच्यासोबत भाऊ आणि वहिनीही राहतात.

घरमालकाने तरुण त्यागी यांना केअर टेकर म्हणून कामावर ठेवल्याचे तक्रारीत म्हटले आहे. तरुण या दोघांवर वाईट नजर ठेवत असल्याचा आरोप पीडितेने केला आहे. भाडे वसूल करण्यासाठी येण्याच्या बहाण्याने तो अनेकदा घरात येतो व दोघींना अश्लिल हातवारे करतो असा आरोप करण्यात आला आहे. उत्तर प्रदेशात गुन्हेगारी स्वरुपाच्या घटना कमी व्हायचे नाव घेत नाहीएत.