रोजंदारीच्या कामापोटी ॲडव्हान्स न दिल्याच्या रागातून तिघांना मारहाण!

ही घटना कोपरगाव शहरातील सुभाष नगर परिसरात शुक्रवारी (दि. ७) रात्री १०:३० वाजताच्या सुमारास घडली. 

कोपरगाव (जि. अहमदनगर) :  रोजंदारीच्या कामापोटी पाचशे रुपये ॲडव्हान्स न दिल्याच्या रागातून सात जणांनी मिळून एकाच्या घरात घुसून घरातील तिघांना शिवीगाळ करून हातातील विटा फेकुन मारत जखमी केले आहे. ही घटना कोपरगाव शहरातील सुभाष नगर परिसरात शुक्रवारी (दि. ७) रात्री १०:३० वाजताच्या सुमारास घडली. 

यात सय्यद अहमद बागवान, अकबर फकिरा बागवान, जावेद सय्यद बागवान ( सर्व रा. सुभाषनगर, कोपरगाव ) हे तिघे  जखमी झाले आहेत.या प्रकरणी वसीम सय्यद बागवान (वय २७, रा. आयशाकॉलनी, कोपरगाव जि.अहमदनगर) यांच्या फिर्यादीवरून शाहरुख आकलीस शेख, सोहेल जावेद पठान, विजय आरक, शुभम ऊर्फ लारा जाधव (सर्व रा. सुभाषनगर, कोपरगाव ), गोलु ऊर्फ गगणदिप सिंग (रा. सुभाषनगर, कोपरगाव मूळचा रा. अमृतसर, राज्य पंजाब ), राजु आरिफ शेख (रा. संजयनगर, कोपरगाव) व  गोट्या (पूर्ण नाव माहिती नाही) यांच्यावर कोपरगाव शहर पोलीस ठाण्यात शनिवारी (दि. ८) पहाटे २ वाजेच्या सुमारास या सात जणाविरुद्ध गुन्हा दाखल करण्यात आला आहे. 

दरम्यान, आरोपींनी विटा फेकून मारल्याने इम्मतीयाज कोथमिरे यांचे घराच्या काचा फुटुन नुकसान झाले आहे. पुढील तपास पोलीस निरीक्षक रामराव ढिकले यांच्या मार्गदर्शनाखाली पोलीस उपनिरीक्षक रोहिदास ठोंबरे करीत आहेत.