भिकारी महिलेवर फूटपाथवर अत्याचार; पुण्यात चार जणांवर गुन्हा दाखल
By ऑनलाइन लोकमत | Published: April 28, 2023 11:34 AM2023-04-28T11:34:23+5:302023-04-28T11:36:21+5:30
येरवडा पोलीस स्टेशनच्या हद्दीतील RTO ऑफिस शेजारी असणाऱ्या मोकळ्या मैदानात हा सर्व प्रकार घडला.
भिकारी महिलेवर फूटपाथवर अत्याचार; पुण्यात चार जणांवर गुन्हा दाखल
Next किरण शिंदे: भीक मागून उदरनिर्वाह करणाऱ्या एका महिलेवर फुटपाथवर बलात्कार झाल्याचा प्रकार उघडकीस आला आहे. येरवडा पोलीस स्टेशनच्या हद्दीतील आरटीओ ऑफिस शेजारी असणाऱ्या मोकळ्या मैदानात हा सर्व प्रकार घडला. याप्रकरणी चार जणांविरोधात गुन्हा दाखल करण्यात आला आहे.
25 आणि 26 एप्रिल च्या रात्री हा सर्व प्रकार घडला. 30 वर्षीय महिलेने या प्रकरणी तक्रार दिली असून 4 जणांविरोधात गुन्हा दाखल करण्यात आला आहे. आरोपी हे फिर्यादीचे नातेवाईक असल्याचे तक्रारीत म्हटले आहे.
या प्रकरणी अधिक माहिती अशी की, फिर्यादी या भीक मागून स्वतःचा आणि कुटुंबाचा उदरनिर्वाह करतात. फुलेनगर येथील आरटीओ ऑफिसच्या शेजारी असणाऱ्या मोकळ्या मैदानात त्या कुटुंबासह राहतात. 25 एप्रिल च्या रात्री त्या जेवण करून फुटपाथवर झोपल्या होत्या. रात्री बारा वाजण्याच्या सुमारास त्या लघुसंखेसाठी गेल्या असताना एका आरोपीने त्यांना पकडून जबरदस्तीने त्यांच्यासोबत शारीरिक संबंध केले आहे. येरवडा पोलिसांनी या प्रकरणी गुन्हा दाखल केला असून अधिक तपास सुरू आहे.