मुंबईत हायप्रोफाईल सेक्स रॅकेटचा पर्दाफाश, भोजपुरी अभिनेत्रीला अटक, 3 मॉडेल्सची सुटका

सुमन कुमारी नावाची ही भोजपुरी अभिनेत्री एका हायप्रोफाईल सेक्स रॅकेटमध्ये एजंट म्हणून काम करत होती.

मुंबई : मुंबई पोलिसांनी एका हायप्रोफाईल सेक्स रॅकेटचा पर्दाफाश केला आहे. याप्रकरणी छापा टाकल्यानंतर एका भोजपुरी अभिनेत्रीलाही अटक करण्यात आली आहे. पोलिसांनी दिलेल्या माहितीनुसार, सुमन कुमारी नावाची ही भोजपुरी अभिनेत्री एका हायप्रोफाईल सेक्स रॅकेटमध्ये एजंट म्हणून काम करत होती.

मुंबई पोलिसांच्या समाजसेवा शाखेने ही कारवाई केली आहे. पोलिसांनी दिलेल्या माहितीनुसार, मुंबईतील आरे कॉलनी परिसरातील रॉयल पाम हॉटेलमध्ये सेक्स रॅकेटची माहिती मिळाली होती. त्यानंतर पोलिसांनी एका बनावट ग्राहकाला भोजपुरी अभिनेत्री सुमन कुमारीकडे पाठवले. सुमन कुमारीने त्या बनावट ग्राहकाशी डील केली, ज्यामध्ये प्रत्येक मॉडेलसाठी 50 ते 80 हजार रुपये मागितले. 

यानंतर पोलिसांनी हॉटेलच्या खोलीवर छापा टाकला आणि सुमन कुमारीला अटक केली. पोलिसांनी दिलेल्या माहितीनुसार, भोजपुरी अभिनेत्री सुमन कुमारी ही मुंबईत सिनेमात करिअर करायला आलेल्या मॉडेल्सला हेरायची आणि या मॉडेल्सच्या मजबुरीचा फायदा घेत त्यांना वेश्या व्यवसायात ढकलायची. या कारवाईत पोलिसांनी तीन मॉडेल्सचीही सुटका केली आहे. सध्या पुढील तपास सुरू आहे.

Maharashtra | A Bhojpuri actress Suman Kumari (24) has been arrested by Mumbai Police for allegedly forcing girls (models) into prostitution. Police also rescued 3 models. Further investigation is being done: Crime Branch, Mumbai police

— ANI (@ANI) April 21, 2023

कोण आहे सुमन कुमारी?
सुमन कुमारीने अनेक चित्रपटांमध्ये दिसली आहे. त्यांनी 'लैला मजनू' आणि 'बाप नंब्री, बेटा दस नंब्री' यांसारख्या अनेक भोजपुरी चित्रपटांमध्ये काम केले आहे. अभिनेत्री असण्यासोबतच सुमन एक गायिका देखील आहे, तिने हिंदी, पंजाबी आणि भोजपुरीसह अनेक भाषांमध्ये गाणीही गायली आहेत. अलीकडेच अभिनेत्री आरती मित्तलला सेक्स रॅकेट चालवल्याप्रकरणी अटक करण्यात आली होती.