भयंकर! महिलेने छेडछाडीला विरोध केला म्हणून "त्याने" चिमुकलीला शेकोटीत फेकलं अन्... 

Crime News : आगीत होरपळलेल्या चिमुकलीला लगेचच उपचारासाठी जवळच्या रुग्णालयात दाखल करण्यात आले असून तिच्यावर उपचार सुरू आहेत.

मुझफ्फरपूर - देशात अनेक धक्कादायक घटना समोर येत आहेत. याच दरम्यान बिहारमधील एक भयंकर घटना समोर आली आहे. मुझफ्फरपूरमध्ये महिलेने छेड काढणाऱ्याला विरोध केल्यानंतर तिच्या तीन वर्षांच्या मुलीला शेकोटीत फेकल्याची अत्यंत धक्कादायक घटना समोर आली आहे. महिलेने तातडीने मुलीला शेकोटीतून बाहेर काढले. मात्र तोपर्यंत चिमुकली आगीत होरपळली होती. याप्रकरणी पोलिसांत तक्रार दाखल करण्यात आली असून पोलीस अधिक तपास करत आहेत. 

मिळालेल्या माहितीनुसार, बिहारच्या मुझफ्फरपूरमधील बोचहा गावात मन हेलावून टाकणारी घटना घडली आहे. आगीत होरपळलेल्या चिमुकलीला लगेचच उपचारासाठी जवळच्या रुग्णालयात दाखल करण्यात आले असून तिच्यावर उपचार सुरू आहेत. घराबाहेर पेटवलेल्या शेकोटीच्या बाजूला महिला बसली होती. एकटीला पाहून गावातील तरूण त्या ठिकाणी आला आणि शेक घेण्याच्या बहाण्याने शेकोटीजवळ बसला. थोड्या वेळाने त्याने महिलेची छेड काढण्यास सुरुवात केली.

धक्कादायक घटनेने परिसरात खळबळhttps://t.co/a1oMhj1sNR#SushanthSinghRajput#crime#Police

— Lokmat (@MiLOKMAT) January 30, 2021

महिलेने या छेडछाडीला विरोध केला. त्यावेळी रागाच्या भरात आरोपीने महिलेच्या कुशीत असलेल्या तिच्या तीन महिन्यांच्या मुलीला हिसकावलं आणि शेकोटीत फेकलं. या घटनेनंतर आरोपी घटनास्थळावरून पसार झाला. महिलेने आपल्या चिमुलीला शेकोटीतून बाहेर काढलं. मात्र तोपर्यंत ती होरपळली होती. महिलेने आरोपीविरोधात पोलीस ठाण्यात तक्रार दाखल केली आहे. पोलीस या प्रकरणाचा अधिक तपास करत आहेत. एका हिंदी वेबसाईटने याबाबतचे वृत्त दिले आहे. 

विकृतीचा कळस! रुग्णालयाच्या ICU मध्ये तरुणीवर सामूहिक बलात्कार, घटनेने खळबळ

महिलांवरील अत्याचाराच्या आणि बलात्काराच्या घटना सातत्याने समोर येत आहेत. अशीच एक भयंकर घटना हरियाणाच्या पानीपतमध्ये घडली आहे. एका तरुणीवर सामूहिक बलात्कार झाल्याची घटना समोर आली आहे. धक्कादायक बाब म्हणजे रुग्णालयात आयसीयूमध्ये उपचारासाठी दाखल असलेल्या तरुणीवर सामूहिक बलात्कार करण्यात आला आहे. एका 22 वर्षीय तरुणीला अस्वस्थ वाटू लागल्यामुळे तसेच तिला त्रास होऊ लागल्याने हरियाणाच्या मॉडल टाऊन येथील एका खासगी रुग्णालयात दाखल करण्यात आले होते. रुग्णालयाच्या आयसीयूमध्ये तरुणीवर उपचार सुरू होते. त्याच दरम्यान रुग्णालयात कर्मचारी म्हणून कार्यरत असलेल्या दोन जणांनी तरुणीवर बलात्कार केल्याचा धक्कादायक प्रकार समोर आला आहे. पीडित तरुणीच्या वडिलांनी दिलेल्या तक्रारीनंतर पोलिसांनी सामूहिक बलात्काराचा गुन्हा दाखल केला आहे. 

नात्याला काळीमा फासणारी घटना! सासूची अत्यंत निर्घृणपणे हत्या केल्यानंतर सूनेनं केलं असं काही...https://t.co/v0gIcVqfbc#crime#Police

— Lokmat (@MiLOKMAT) January 27, 2021