भाजपा नेते किरीट सोमय्या यांना पोलिसांनी केली अटक

पोलिसांनी मला माझ्या निवासस्थानावरुन अटक केली असून नवघर पोलीस ठाण्यात नेत आहेत अशी माहिती त्यांनी दिली आहे.

ठळक मुद्देपोलिसांनी सोमय्या यांना घराबाहेर न पडण्याची विनंती केली होती. किरीट सोमय्या यांना अटक करुन मुलुंड पूर्व नवघर पोलीस ठाण्यात नेण्यात आलं.

मुंबई - भाजपा नेते किरीट सोमय्या यांना मुंबई पोलिसांकडूनअटक करण्यात आली. किरीट सोमय्या यांना मुलुंड येथील त्यांचं निवासस्थान निलम नगर येथून अटक करण्यात आली आहे. सोमय्या यांच्या घराबाहेर पोलिसांचा मोठा बंदोबस्त आहे. पोलिसांनी सोमय्या यांना घराबाहेर न पडण्याची विनंती केली होती. मात्र, तरी देखील सोमय्या घराबाहरे पडले, त्यावेळी पोलिसांनी त्यांना ताब्यात घेतले. 

 

It's pity that Mumbai Police has detained Me at my residential premises ( NilamNagar Mulund) and stopped me from going to the residence of Anant Karmuse, whom Jitendra Awhad men has beaten yesterday, I am supposed to meet Anant Karmuse today at 11am today @BJP4Maharashtra

— Kirit Somaiya (@KiritSomaiya) April 8, 2020

किरीट सोमय्या यांना अटक करुन मुलुंड पूर्व नवघर पोलीस ठाण्यात नेण्यात आलं. किरीट सोमय्या यांनी स्वत: ट्विट करत ही माहिती दिली आहे. सोमय्या यांनी ट्विटरवरून दिलेल्या माहितीनुसार, जितेंद्र आव्हाड यांच्या समर्थकांकडून मारहाण करण्यात आलेल्या अभियंता असलेल्या अनंत करमुसे यांना भेटण्यासाठी जात असताना पोलिसांनी ताब्यात घेतलं. सकाळी ११ वाजता भेट घेण्यासाठी किरीट सोमय्या चालले होते. त्यावेळी पोलिसांनी त्यांना ताब्यात घेतलं. यानंतर सोमय्या यांच्या ट्विटमध्ये त्यांनी पोलिसांनी आपल्याला अटक केल्याचं म्हटलं आहे. पोलिसांनी मला माझ्या निवासस्थानावरुन अटक केली असून नवघर पोलीस ठाण्यात नेत आहेत अशी माहिती त्यांनी दिली आहे.

Police has arrested me from my residential premises/Office from NilamNagar Mulund, and now taken to Mulund East navghar police station

— Kirit Somaiya (@KiritSomaiya) April 8, 2020