रूम नंबर २०३ मधील तरूणीच्या हत्येचं गुपित उघडलं, आरोपी बॉयफ्रेन्ड 'या' गोष्टीने झाला होता नाराज

Delhi Murder : गेल्या ४ वर्षापासून तो या तरूणीच्या संपर्कात होता. पण यादरम्यान तरूणीची उत्कर्ष नावाच्या मुलासोबत मैत्री झाली. जे त्याला पसंत नव्हतं.

दिल्लीच्या (Delhi) हॉटेलमध्ये तरूणीची हत्या केल्याप्रकरणी तिच्या बॉयफ्रेन्ड अटक केली गेली आहे. दिल्ली पोलिसांनी शिवम चौहान नावाच्या आरोपीला (Boyfriend Killed Girlfriend) अटक केली आहे. शिवम गाजियाबादचा राहणारा आहे. चौकशी दरम्यान आरोपी शिवमने सांगितलं की, गेल्या  ४ वर्षापासून तो या तरूणीच्या संपर्कात होता. पण यादरम्यान तरूणीची उत्कर्ष नावाच्या मुलासोबत मैत्री झाली. जे त्याला पसंत नव्हतं.

रिपोर्ट्सनुसार, ज्यावेळी शिवम आणि तरूणी हॉटेलमध्ये थांबले होते, तेव्हा तिला सतत उत्कर्षचे फोन येत होते. यावरून दोघांमध्ये भांडण झालं. भांडण इतकं वाढलं की, शिवमने तरूणीचं डोकं जमिनीवर आपटलं. ज्यानंतर तिचा मृत्यू झाला.

रूम नंबर २०३ मध्ये तरूणीचा मृतदेह

एअरपोर्टसमोर महिपालपूरच्या एका हॉटेलच्या रूम नंबर २०३ मध्ये २५ वर्षीय तरूणीचा मृतदेह आढळून आला होता. तरूणी बॉयफ्रेन्डसोबत २५ फेब्रुवारीला हॉटेलमध्ये आली होती. २७ फेब्रुवारीला जवळपास ३ वाजता रूम सर्व्हिसने दरवाजा उघडला. तेव्हा त्याला तरूणीचा मृतदेह दिसला. तिचा बॉयफ्रेन्ड रूममधून फरार होता. घटनेची सूचना मिळताच पोलीस तिथे आले. त्यावेळी त्यांना रूममध्ये दारूच्या बॉटल्सही दिसल्या. 

कुटुंबिय म्हणाले दोघे लग्न करणार होते, घरी सांगून जायची

मृत तरूणी पाच भाऊ-बहिणीत सर्वात लहान होती. गेल्या ४ वर्षापासून ती गाजियाबादच्या शिवमच्या संपर्कात होती. परिवारानुसार, ते दोघे लग्न करणार होते. त्यामुळे परिवाराला सांगून ते एक-दोन दिवसांसाठी आपला बॉयफ्रेन्ड शिवमसोबत ती बाहेर जायची. २५ फेब्रुवारीलाही असंच काहीसं झालं.  मृत तरूणीने तिच्या घरातील लोकांना सांगितलं की, ती शिवमला भेटायला जात आहे. यावेळी ती सोबत ६२ हजार रूपये घेऊन गेली होती.

तरूणी २५ फेब्रुवारीला घरातून निघाली. यानंतर तिचा मोबाइल बंद लागत होता. घरातील लोकांना वाटलं की, ती शिवमसोबत सुरक्षित आहे. नेहमीप्रमाणे ते निश्चिंत होते. पण २७ फेब्रुवारीच्या सायंकाळी पोलिसांचा फोन आला तर कुटुंबिय घाबरले. पोलिसांनी कुटुंबियांना महिपालपूरच्या हॉटेलमध्ये बोलवलं. त्यांनी मृतदेहाची ओळख पटवली. तरूणीच्या कुटुंबियांनी सांगितलं की, तरूणी शिवमला नेहमी लग्नाबाबत बोलत होती आणि शिवम नेहमी हा विषय टाळत होता. वैतागून बॉयफ्रेन्डनेच तिचा जीव घेतला.