सेंच्युरी रेयॉन कंपनीत कामगाराचा डीझॉलवरमध्ये पडून मृत्यू 

Century Rayon worker dies : याप्रकरणी पोलिसांनी अकस्मात मृत्यूची नोंद केल्याने, कामगारांसह नागरिक आश्चर्य व्यक्त करीत आहेत.

सदानंद नाईक 

उल्हासनगर : कॅम्प नं-१ शहाड गावठाण येथील सेंच्युरी रेयॉन कंपनीतील व्हिसकोस प्रोडुकशन विभागात काम करणारा अनिल कुमार झा हा कामगार मंगळवारी रात्री डीझॉलवर मध्ये पडून मृत्यू झाला. याप्रकरणी उल्हासनगर पोलीस ठाण्यात अकस्मात मृत्यूचा गुन्हा दाखल झाला असून अधिक तपास पोलीस करीत आहेत. 

उल्हासनगर शहाड गावठाण येथे संच्युरी रेयॉन कंपनीत अनिलकुमार झा हा कामगार कंपनीतील प्रोडुकशन विभागात कामाला होता. मंगळवारी रात्री अनिलकुमार झा डीझॉलवर मध्ये पडल्याची माहिती कंपनीने उल्हासनगर पोलिसांना दिली. सहायक पोलिस निरीक्षक प्रवीण घुटूगडे हे पथकासह घटनास्थळी जाऊन डीझॉलवर मध्ये पडलेला कामगार अनिलकुमार झा याला अग्निशमन दलाच्या पथकाने बाहेर काढून मध्यवर्ती रुग्णालयात उपचारासाठी पाठविले. मात्र मध्यवर्ती रुग्णालयाच्या डॉक्टरांनी तपासून त्याला मृत घोषित केले. याप्रकरणी पोलिसांनी अकस्मात मृत्यूची नोंद केल्याने, कामगारांसह नागरिक आश्चर्य व्यक्त करीत आहेत.

 संच्युरी रेयॉन कंपनीचे जनसंपर्क अधिकारी मेहुल ललका यांनी मृत कामगार अनिलकुमार झा हा नशेत असल्याने, त्याने नशेत असे कृत्य केले असावे. अशी प्रतिक्रिया दिली. अधिक तपास पोलीस करीत आहेत.