पत्नी पुन्हा पुन्हा माहेर जात असल्याने नाराज होता पती, बोटाने काढला तिचा डोळा आणि...

Crime News : पत्नी पुन्हा पुन्हा माहेरी जाते म्हणून पती नाराज होता, त्यामुळे त्याने असं पाउल उचललं की, विश्वास बसणार नाही. पतीने आधी रागाच्या रागाच्या भरात पत्नीला खूप मारहाण केली

Crime News : देशाच्या कानाकोपऱ्यातून सतत काहीना काही खळबळजनक घटना समोर येत असतात. गुन्हे विश्वातील तर अशा घटना समोर येतात की, त्यांवर सहजपणे विश्वासही बसत नाही. छत्तीसगढमधून अशीच एक हैराण करणारी घटना समोर आली आहे. पत्नी पुन्हा पुन्हा माहेरी जाते म्हणून पती नाराज होता, त्यामुळे त्याने असं पाउल उचललं की, विश्वास बसणार नाही. पतीने आधी रागाच्या भरात पत्नीला खूप मारहाण केली आणि नंतर बोटाने पत्नीचा एक डोळाच बाहेर काढला. इतकंच नाही तर तिचा डोळा त्याने कापून आगीत फेकला आणि फरार झाला. महिलेला मेडिकल कॉलेज हॉस्पिटलमध्ये दाखल केलं आहे.

ही घटना समोर आल्यावर कुटुंबियांना एकच धक्का बसला तर परिसरात खळबळ उडाली. महिलेच्या सासू आणि दीराने या घटनेची सूचना पोलिसांना दिली. पोलिसांनी तक्रार नोंदवून घेत आरोपीचा शोध सुरू केला आहे. आरोपीचं नाव देवप्रसाद असून त्याला दारूचं व्यसन आहे. आरोपी नेहमीच आपल्या पत्नीसोबत मारहाण करत होता. पत्नी पुन्हा पुन्हा माहेरी जात असल्याने तो इतका नाराज होता की, अशाप्रकारचं भयावह कृत्य त्याने केलं. तिला मारहाण करत तिचा डोळा त्याने काढला.

महिलेची सासूच पीडितेला हॉस्पिटलमध्ये घेऊन गेली. त्यानंतर महिलेला अंबिकापूर मेडिकल कॉलेजमध्ये शिफ्ट करण्यात आलं. इथे आल्यावर डॉक्टरांना समजलं की, महिलेच्या डोळ्यात आयबॉलच नाहीये. डॉक्टरांनी सिटी स्कॅन केला, आय स्कॅनही केला. पण डोळाच सापडला नाही तर समजलं की, पतीने तो काढून फेकला. सध्या आरोपी फरार आहे आणि पोलीस त्याला पकडण्यासाठी त्याचा शोध घेत आहेत.