अंधश्रद्धेचा कळस! नदीकिनारी आढळला 5 वर्षीय मुलीचा मृतदेह अन् 'या' भयंकर वस्तू; नरबळीचा संशय
By ऑनलाइन लोकमत | Published: August 12, 2021 01:01 PM2021-08-12T13:01:55+5:302021-08-12T13:06:58+5:30
Crime News : पाच वर्षांच्या एका मुलीची हत्या करण्यात आली आहे. हा नरबळीचा प्रकार असावा असा संशय पोलिसांनी व्यक्त केला आहे.
अंधश्रद्धेचा कळस! नदीकिनारी आढळला 5 वर्षीय मुलीचा मृतदेह अन् 'या' भयंकर वस्तू; नरबळीचा संशय
Next नवी दिल्ली - देशात अद्यापही काही ठिकाणी अंधश्रद्धा पाहायला मिळते. तांत्रिक-मांत्रिकाला भुलून अनेक भयंकर प्रकार केले जातात. नरबळीसारखे अघोरी प्रकारही पाहायला मिळतात. अशीच एक मन सुन्न करणारी घटना आसाममध्ये घडली आहे. पाच वर्षांच्या एका मुलीची हत्या करण्यात आली आहे. हा नरबळीचा प्रकार असावा असा संशय पोलिसांनी व्यक्त केला आहे. संशयास्पद अवस्थेत मुलीचा मृतदेह आढळून आला आहे. तसेच पोलिसांनी याप्रकरणी एका मांत्रिकाला देखील अटक केली आहे. आसामच्या चराइदेव जिल्ह्यात ही संतापजनक घटना घडली आहे.
मिळालेल्या माहितीनुसार, एका कुटुंबातील पाच भावंडांमध्ये सर्वात लहान असलेल्या या मुलीचं सोमवारी रात्री झोपेत असताना काही अज्ञात लोकांनी अपहरण केलं होतं. तिच्या मोठ्या बहिणीने मंगळवारी सेफराई पोलीस ठाण्यात आपली लहान बहीण हरवल्याची तक्रार दाखल केली होती. एका वरिष्ठ अधिकाऱ्यांनी दिलेल्या माहितीनुसार, मंगळवारी रात्री या चिमुकलीचा मृतदेह सिंगलू नदीत सापडला. त्या वेळी नदीच्या काठावर तांत्रिक विधींमध्ये वापरल्या जाणाऱ्या काही वस्तू आणि एक लाल कापड सापडलं.
भयंकर! रागाच्या भरात 'त्याने' उचललं टोकाचं पाऊल; अशी झाली पोलखोल#Crime#Policehttps://t.co/7qcw5EAE7v
— Lokmat (@MiLOKMAT) August 12, 2021
घटनास्थळी सापडलेल्या वस्तुंवरून हा एक नरबळीचा प्रकार असू शकतो, असा संशय पोलिसांना आला आहे. या चिमुकलीचा मृतदेह शवविच्छेदनासाठी पाठवण्यात आला आहे. या प्रकरणी एका तांत्रिकाला अटक करण्यात आली असून, या प्रकरणातला मुख्य आरोपी असलेल्या मुख्य मांत्रिकाला पकडण्यासाठी शोध सुरू आहे. तसेच या मुलीच्या वडिलांसह दहा जणांना चौकशीसाठी ताब्यात घेण्यात आल्याची माहिती एका वरिष्ठ पोलीस अधिकाऱ्यांनी दिली आहे.
भयंकर! आरोपी जबरदस्तीने मुलींच्य़ा घरात शिरले, आईला जीवे मारण्याची धमकी दिली#Crime#Police#Rapehttps://t.co/gKopU6U9fS
— Lokmat (@MiLOKMAT) August 11, 2021
या प्रकरणाची सखोल चौकशी सुरू असून यात मिळालेले पुरावे पाहता नरबळीची शक्यता नाकारता येत नाही. यापूर्वीही आदिवासीबहुल भागातील चहाच्या मळ्यांमध्ये नरबळीच्या घटना घडल्या आहेत. 2016 मध्येही एका चहाच्या मळ्यातील चार वर्षांची एक मुलगी बेपत्ता झाली होती. काही दिवसांनी तिचा मृतदेह सापडला होता अशीही माहिती पोलीस अधिकाऱ्यांनी दिली आहे. या घटनेने परिसरात एकच खळबळ उडाली आहे. पोलीस या प्रकरणाचा अधिक तपास करत आहेत. एका हिंदी वेबसाईटने याबाबतचे वृत्त दिले आहे.
धक्कादायक! हाणामारीमुळे परिसरात तणाव; अनेक जण गंभीर जखमी '#Crime#BJP#Congress#Policehttps://t.co/iyvpWSN9CR
— Lokmat (@MiLOKMAT) August 12, 2021