संतापजनक! भररस्त्यात महिला वकिलाला लाथा-बुक्क्यांनी बेदम मारहाण; Video जोरदार व्हायरल

Crime News : उपस्थित असलेले सर्व लोक फक्त पाहत होते. मदतीसाठी कोणीच पुढाकार घेतला नाही. मारहाणीचा व्हिडीओ सोशल मीडियावर जोरदार व्हायरल होत आहे.

नवी दिल्ली - देशात अनेक धक्कादायक घटना घडत आहेत. अशीच एक संतापजनक घटना आता समोर आली आहे. भररस्त्यात एका महिला वकिलाला लाथा-बुक्क्यांनी बेदम मारहाण करण्यात आली आहे. धक्कादायक बाब म्हणजे जेव्हा हा सर्व प्रकार घडला तेव्हा तिथे उपस्थित असलेले सर्व लोक फक्त पाहत होते. मदतीसाठी कोणीच पुढाकार घेतला नाही. मारहाणीचा व्हिडीओ सोशल मीडियावर जोरदार व्हायरल होत आहे. कर्नाटकातील बागलकोट जिल्ह्यात हा भयंकर प्रकार घडला आहे. पोलीस या प्रकरणाचा अधिक तपास करत असून आरोपीला अटक करण्यात पोलिसांना यश आलं आहे. 

मिळालेल्या माहितीनुसार, संगीता शिक्केरी असं महिलेचं नाव असून, त्या वकील आहेत. तर आरोपीचं नाव महनतेश आहे. दोघे एकमेकांचे शेजारी असल्याचं सांगण्यात येत आहे. जागेवरून त्यांच्यात वाद सुरू होता. यासाठी महनतेशने संगीता आणि तिच्या पतीला भरदिवसा भररस्त्यात मारहाण केली. आता या घटनेचा व्हिडीओ ट्विटरवर जोरदार व्हायरल झाला आहे .हा व्हिडीओ खूपच भयंकर आहे. आरोपी महनतेश संगीताला बेदम मारहाण करताना दिसत आहे. 

#SHOCKING A #woman#lawyer named Sangeetha was brutally assaulted and injured at #Bagalkote#Karnataka. #Worse: many people watched and didn't come forward to help her. Sangeetha and her assaulter Mahantesh are neighbours.And they had differences over some issue pic.twitter.com/D3KhJRc2fU

— Mohammad fasahathullah siddiqui (@MdFasahathullah) May 14, 2022

महिलेच्या पोटावर लाथही मारतो, त्यामुळे ती वेदनेने ओरडते आणि काही पावले मागे जाते. मात्र महनतेश इथेच थांबत नाही, तो संगीताला सतत लाथा-बुक्क्यांनी मारहाण करतो. ती त्याला मारू नये म्हणून विनवणी करते पण तो काही ऐकत नाही. या मारहाणीदरम्यान महिलेच्या हातातील कागदपत्रंही खाली पडल्याचं पाहायला मिळतं. हा व्हिडीओ व्हायरल झाल्यावर संताप व्यक्त करण्यात येत आहे. तर पोलीस अधिक तपास करत आहेत. एका हिंदी वेबसाईटने याबाबतचे वृत्त दिले आहे.