खळबळजनक! "मी तिला संपवलंय"; वहिनीची हत्या करून दिराने केला तिच्या माहेरी फोन अन्...

Crime News : पाच वर्षांच्या चिमुकलीच्या डोळ्यासमोर ही भयंकर घटना घडली. तिने देखील पोलिसांना घरामध्ये घडलेला प्रकार सांगितला.

नवी दिल्ली - दिल्लीच्या बुरारी परिसरात नात्याला काळीमा फासणारी एक घटना घडली आहे. एका व्यक्तीने आपल्याच लहान भावाच्या पत्नीची निर्घृण हत्या केली आहे. धक्कादायक बाब म्हणजे त्याने हत्या केल्यावर वहिनीच्या माहेरी फोन करून याची माहिती दिली. "मी तिला मारून टाकलं" असं सांगितलं. या घटनेने परिसरात एकच खळबळ उडाली आहे. संतनगरमध्ये ही भयंकर घटना घडली. आरोपीने महिलेवर चाकूने खूप वार केले आहेत. दिराने फोन केल्यानंतर महिलेच्या माहेरची मंडळी तातडीने घटनास्थळी दाखल झाली. जखमी अवस्थेत असलेल्या महिलेला उपचारासाठी जवळच्या रुग्णालयात दाखल करण्यात आले. 

महिलेची प्रकृती अत्यंत गंभीर असल्याने उपचारादरम्यानच तिचा मृत्यू झाला आहे. रुग्णालयात पोलिसांनी महिलेची चौकशी केली असता तिने हा धक्कादायक प्रकार नेमका कसा घडला याबाबत त्यांना माहिती दिली. महिला घरी एकटी असताना दिर तिथे आला. तो तिच्यासोबत जबरदस्ती करू लागला. तिने विरोध केला असता तो संतापला आणि त्याने तिच्यावर चाकूने जीवघेणा हल्ला केला. पाच वर्षांच्या चिमुकलीच्या डोळ्यासमोर ही भयंकर घटना घडली. तिने देखील पोलिसांना घरामध्ये घडलेला प्रकार सांगितला. या घटनेने कुटुंबीयांना मोठा धक्का बसला आहे. 

खळबळजनक! अल्पवयीन मुलीची बलात्कार करून हत्या; गर्दीवर नियंत्रण मिळवण्यासाठी पोलिसांचा गोळीबारhttps://t.co/bj0gLsqpKN

— Lokmat (@MiLOKMAT) September 16, 2021

छोट्या भावाच्या पत्नीची 'त्याने' केली हत्या

नरेंद्र असं या आरोपीचं नाव असून त्याने याआधी देखील काही गुन्हे केले आहेत. तो त्याच्या वहिनीवर जबरदस्ती करण्याचा प्रयत्न करायचा. तसेच नेहमी तिला धमकी देत असे. पण तिने त्याला विरोध केल्यावर त्याने तिला संपवण्याचा निर्णय घेतला. याआधी 2019 मध्ये अपहरण आणि हत्येच्या प्रकरणात त्याला जेलची शिक्षा सुनावण्यात आली आहे. मात्र आता कोरोना काळात तो पॅरोलवर जेलमधून बाहेर आला होता. याच दरम्यान त्याने वहिनीची हत्या केली आहे. पोलिसांनी याप्रकरणी आरोपीला अटक केली असून या प्रकरणाचा अधिक तपास करण्यात येत आहे. एका हिंदी वेबसाईटने याबाबतचे वृत्त दिले आहे. 

सासरच्या मंडळींच्या त्रासाला कंटाळून तरुणाने टोकाचं पाऊल उचललं; आत्महत्या करून जीवन संपवलंhttps://t.co/UTorC4eus3

— Lokmat (@MiLOKMAT) September 15, 2021

बलात्काराच्या घटनेवर लोकांचा संताप! भररस्त्यात गदारोळ, वाहनांची जाळपोळ; गर्दीवर पोलिसांचा गोळीबार

देशात महिलांवरील अत्याचाराच्या, बलात्काराच्या अनेक घटना या सातत्याने समोर येत आहेत. अशीच एक भयंकर घटना आता आसाममध्ये घडली आहे. आसामच्या कछार जिल्ह्यात एका अल्पवयीन मुलीचा मृतदेह आढळल्याने परिसरात एकच खळबळ उडाली. पीडितेवर बलात्कार करुन तिची हत्या करण्यात आल्याचा आरोप स्थानिकांनी केला आहे. तसेच पोलिसांनी आरोपींना अटक करावी, या मागणीसाठी स्थानिकांनी आपला संताप व्यक्त केला. मोठ्या संख्येने रस्त्यावर गर्दी केली. तसेच त्यांनी निदर्शने करत परिसरात जाळपोळ केली. वाहनांना आग लावली. कछर जिल्ह्यातील सिलचर येथील आश्रम रोड परिसरात वास्तव्यास असलेली एक अल्पवयीन मुलगी रविवारपासून बेपत्ता होती. तिचा शोध सुरू होता. अखेर बुधवारी पीडितेचा मृतदेह सिलचरच्या मधुरा घाट येथे आढळला. त्यानंतर परिसरात एकच खळबळ उडाली.

भयंकर! पतीचा 'तो' शब्द जिव्हारी लागल्याने पत्नीने उचललं टोकाचं पाऊल; जीभ कापली अन्...https://t.co/rJbJFwh1Od

— Lokmat (@MiLOKMAT) September 15, 2021