भयंकर! व्यावसायिकावर भररस्त्यात झाडल्या गोळ्या, परिसरात खळबळ

Crime News : अपूर्व यांना चार गोळ्या लागल्या असून सध्या त्यांच्यावर रुग्णालयात उपचार सुरू आहेत

नवी दिल्ली - देशात अनेक धक्कादायक घटना घडत आहेत. दिल्लीत अशीच एक भयंकर घटना समोर आली आहे. दिल्लीत एक व्यावसायिकावर गोळीबार करण्यात आला आहे. भररस्त्यात गोळ्या (Firing) घालून व्यावसायिकाची हत्या करण्याचा प्रयत्न करण्यात आला आहे. गोळीबाराची ही घटना सीसीटीव्ही कॅमेऱ्यात कैद झाली आहे. सध्या व्यावसायिकावर रुग्णालयात उपचार सुरू आहेत. अपूर्व जैन असं 32 वर्षीय व्यावसायिकाचं नाव आहे. पोलीस या प्रकरणाचा अधिक तपास करत आहेत. 

मिळालेल्या माहितीनुसार, अपूर्व जैन हे व्य़ावसायिक असून ते आपल्या फॅक्ट्रीपासून आपल्या कारपर्यंत येत होते. त्याचवेळी त्यांच्यावर नजर ठेवून असलेले आरोपी त्यांच्याजवळ आले आणि कारच्या मागून त्यांनी अपूर्व यांच्यावर गोळीबार सुरू केला. अपूर्व यांना चार गोळ्या लागल्या असून सध्या त्यांच्यावर रुग्णालयात उपचार सुरू आहेत. सीसीटीव्ही कॅमेऱ्यात अपूर्व यांच्यावर आरोपी गोळीबार करताना कैद झाले आहेत. पोलिसांनी सीसीटीव्ही कॅमेऱ्याच्या आधारे गुन्हा दाखल केला असून आरोपींचा शोध सुरू आहे. एका हिंदी वेबसाईटने याबाबतचे वृत्त दिले आहे. 

माणुसकीला काळीमा! महिलेला काही लोकांनी दिली होती धमकी त्यानंतर घरात घुसून मान कापली अन्...#crime#CrimeNews#Policehttps://t.co/Vl4VjG0MkK

— Lokmat (@MiLOKMAT) July 8, 2021

भयंकर! चेटकीण असल्याच्या संशयातून महिलेची हत्या; 6 वर्षीय लेकाने सांगितला घडलेला धक्कादायक प्रकार

चेटकीण असल्याच्या संशयातून एका महिलेची हत्या करण्याची आल्याची भयंकर घटना घडली आहे. 6 वर्षीय लेकाने आपल्या आईसोबत घडलेला सर्व धक्कादायक प्रकार सांगितल्याने ही घटना उघडकीस आली आहे. झारखंडच्या पलामू-विश्रामपूरमध्ये एका महिलेची मान कापून हत्या करण्यात आली आहे. घटनेची माहिती मिळताच पोलीस घटनास्थळी दाखल झाले आहेत. पोलीस या प्रकरणाचा अधिक तपास करत आहेत. बुधवारी सकाळी माणुसकीला काळीमा फासणारा हा प्रकार घडला आहे. महिलेच्या सहा वर्षीय मुलाने आपल्या आईसोबत काय झालं याची माहिती पोलिसांना दिली आहे. मुलाने दिलेल्या माहितीनुसार, पाच जण अचानक घरात घुसले. त्यांनी आईला बेदम मारहाण करायला सुरुवात केली आणि तिला घराबाहेर काढलं. त्यानंतर तिची मान कापली. चिमुकल्याने आरोपींमध्ये आपल्या सख्ख्या काकाचं देखील नाव घेतलं आहे. एक महिन्यापूर्वी शेजारी राहणाऱ्या एका मुलीचा मृत्यू झाला होता. तेव्हापासून महिलेवर संशय घेतला जात होता. महिलेला काही लोकांनी धमकी देखील दिली होती. 

बापरे! शेतकऱ्यांना एटीएम कार्ड वाटण्याची जबाबदारी होती पण आरोपीने त्यांच्याच पैशावर मारला डल्ला#crime#crimesnews#Police#farmer#money#ATMhttps://t.co/LHLSetlotb

— Lokmat (@MiLOKMAT) July 8, 2021

धक्कादायक! कमाईच बंद झाल्याने पत्नी संतापली; भावाच्या मदतीने नवऱ्याला बेदम मारहाण केली#Crime#Policehttps://t.co/k6j8ACWPSy

— Lokmat (@MiLOKMAT) July 6, 2021