Crime News: 'माझ्या गर्लंफ्रेंडशी बोलू नकोस', भावाने भावाला बजावले, तो ऐकला नाही तेव्हा चाकूने वार केले

Crime News : मध्य प्रदेशमधील इंदूरमध्ये एका तरुणाने प्रेमप्रकरणातून आपल्याच भावावर जीवघेणा हल्ला केल्याची धक्कादायक घटना घडली आहे. या हल्ल्यात गंभीर जखमी झालेला तरुण आता रुग्णालयात जीवन-मरणाची लढाई लढत आहे.

इंदूर - मध्य प्रदेशमधील इंदूरमध्ये एका तरुणाने प्रेमप्रकरणातून आपल्याच भावावर जीवघेणा हल्ला केल्याची धक्कादायक घटना घडली आहे. या हल्ल्यात गंभीर जखमी झालेला तरुण आता रुग्णालयात जीवन-मरणाची लढाई लढत आहे. मिळालेल्या माहिनुसार आतेभावावर मामेभावाने हा जीवघेणा हल्ला केला. यातील एक भाऊ हा त्याच्या दुसऱ्या भावाच्या गर्लफ्रेंडशी बोलत असे. मात्र त्याला तसे न करण्याचे बजावल्यानंतरही तो ऐकला नाही. त्यामुळे संतापलेल्या तरुणाने आपल्याच भावावर हा जीवघेणा हल्ला केला. या घटनेनंतर आरोपी घटनास्थळावरून फरार झाला आहे. जखमी तरुण सध्या आयसीयूमध्ये आहे. तर पोलिसांनी या प्रकरणी गुन्हा दाखल करून आरोपीचा शोध सुरू केला आहे. 

पोलिसांनी सांगितले की, ही घटना मीना पॅलेस कॉलनीमधील आहे. जीवन चरपट परिसरामध्ये या प्रकरणातील आरोपी तरुणाने आतेच्या मुलावर चाकूने हल्ला केला. हल्ल्यामध्ये तरुणाच्या गळ्याची नस कापली गेली आहे. त्याची प्रकृती गंभीर आहे. सध्या त्याच्यावर उपचार सुरू आहेत.

पोलिसांच्या मते हा हल्ला प्रेमाच्या त्रिकोणातून झाला आहे, असे पोलिसांनी म्हटले आहे. दोन्ही भावांची एकच गर्लफ्रेंड होती. दुसरा भाऊ तिच्यासोबत फोनवरून बोलत असे. मात्र तिचा प्रियकर असलेल्या भावाला त्यावर आक्षेप होता. त्याने आपल्या गर्लफ्रेंडशी बोलू नको, असे भावाला बजावले. मात्र तो ऐकला नाही. त्यावरून वाद झाला आणि भावाने आपल्याच भावावर हल्ला केला. दरम्यान, या घटनेनंतर आरोपी भाऊ फरार आहे.