बदल्याची आग! 4 मुलांना सोडून पत्नी पळून गेली, 10 वर्षांनी परत आली; पतीने असा काढला काटा

Crime News : 4 मुलांना सोडून पत्नी प्रियकरासोबत पळून गेली होती आणि आता 10 वर्षांनी परत आली. यानंतर पतीने तिचा काटा काढल्याची घटना समोर आली आहे.

नवी दिल्ली - उत्तर प्रदेशच्या शाहजहांपूरमध्ये डबर मर्डरची एक धक्कादायक घटना समोर आली आहे. 4 मुलांना सोडून पत्नी प्रियकरासोबत पळून गेली होती आणि आता 10 वर्षांनी परत आली. यानंतर पतीने तिचा काटा काढल्याची घटना समोर आली आहे. आपल्या मुलांच्या मदतीने पत्नी आणि तिच्या प्रियकराची हत्या केली आहे. घटनेची माहिती मिळताच पोलीस घटनास्थळी दाखल झाले आहेत. त्यांनी मृतदेह ताब्यात घेतले असून याप्रकरणाचा अधिक तपास सुरू आहे. 

हत्येनंतर सर्व आरोपी फरार असल्याची माहिती मिळत असून पोलीस त्यांचा शोध घेत आहेत. मिळालेल्या माहितीनुसार, जलालाबाद पोलीस ठाण्याच्या परिसरातील डहर गावात ही भयंकर घटना घडली आहे. येथील निवासी असलेल्या ओम पालची पत्नी ममता हिचं गावातील रमनपाल सिंहसोबत प्रेमप्रकरण सुरू होतं. पती आणि चार मुलांना सोडून ती दहा वर्षांपूर्वी रमनपाल सिंहसोबत पळून गेली होती. तिचा खूप शोध घेण्यात आला. पण ती दोघंही कुठेच सापडली नाहीत. 

काही वर्षांनंतर ममता आपल्या प्रियकरासह हरियाणाच्या पानीपतमध्ये नोकरी करत असल्याची माहिती मिळाली. पण लॉकडाऊननंतर ममता आणि तिचा प्रियकर हे पुन्हा गावात परतले आणि गावातच राहू लागले. संध्याकाळी रमनपाल सिंह आपल्या शेतात जात होता. तेव्हा ओम पालने आपल्या साथीदारांच्या मदतीने त्याला घेरलं आणि त्याची हत्या केली. यानंतर ममताची देखील हत्या केली. 

गावात झालेल्या या डबल मर्डरमुळे एकच खळबळ उडाली आहे. आरोपी फरार असून पोलीस शोध घेत आहेत. एसपी एस आनंद यांनी दिलेल्या माहितीनुसार, डहर गावात राहणाऱ्या ओम पालची पत्नी ममता गावातील रमनपालसोबत पळून गेली होती. यानंतर महिलेचा पती आणि मुलांनी रागाच्या भरात या दोघांची निर्घृण हत्या केली. पोलीस अधिक तपास करत आहेत. तसेच अनेकांची चौकशी करण्यात येत आहे. एका हिंदी वेबसाईटने याबाबतचे वृत्त दिले आहे.