विकृतीचा कळस! 6 वर्षीय चिमुकलीवर 4 अल्पवयीन मुलांनी वर्षभर केला बलात्कार, घटनेने खळबळ

Crime News : एका गावातील चार मुलांनी एका सहा वर्षाच्या चिमुकलीवर मागील एका वर्षात अनेक वेळा बलात्कार केल्याची संतापजनक घटना समोर आली आहे.

नवी दिल्ली - देशात महिलांवरील अत्याचाराच्या, बलात्काराच्या अनेक घटना समोर येत आहेत. अशीच एक माणुसकीला काळीमा फासणारी घटना समोर आली आहे. पंजाबमध्ये धक्कादायक घटना घडली आहे. होशियारपूरमध्ये एका गावातील चार मुलांनी एका सहा वर्षाच्या चिमुकलीवर मागील एका वर्षात अनेक वेळा बलात्कार केल्याची संतापजनक घटना समोर आली आहे. या घटनेने परिसरात एकच खळबळ उडाली आहे. पोलीस या प्रकरणाचा अधिक तपास करत आहेत. 

पोलिसांनी दिलेल्या माहितीनुसार, या प्रकरणी तीन संशयितांना ताब्यात घेण्यात आले आहे. तसेच त्यांचे वय जवळपास 10 ते 11 वर्ष आहे. पीडित मुलीने आपल्या कुटुंबीयांना सांगितल्यानंतर नुकतीच याबद्दल तक्रार दाखल करण्यात आली आहे. यानंतर चारही आरोपींविरोधात रविवार संध्याकाळी पोक्सो कायद्याच्या अंतर्गत गुन्हा दाखल करण्यात आला आहे.

तपास अधिकारी कमलेश कुमारी यांनी सोमवारी सांगितले की, चारही जणांनी मागील एका वर्षात अनेकवेळा या चिमुकलीसोबत दुष्कृत्य केले. यानंतर तीन जणांनी बालसुधारगृहात पाठवण्यात आले आहे, असे एका पोलीस अधिकाऱ्याने सांगितले. तर 14 वर्षाचा आरोपी अजूनही फरार आहे. त्याला पकडण्यासाठी संपूर्ण प्रयत्न सुरू आहेत. या प्रकरणाचा पुढील तपास सुरू असल्याचेही पोलिसांनी सांगितले. एका हिंदी वेबसाईटने याबाबतचे वृत्त दिले आहे. 

पिताच झाला हैवान; दारूच्या नशेत मित्रांसह 9 वर्षीय लेकीवर केला बलात्कार

छत्तीसगडमधील जशपूरमध्ये नात्याला काळीमा फासणारी एक घटना समोर आली आहे. पिताच हैवाऩ झाला असून दारूच्या नशेत मित्रांसह 9 वर्षीय लेकीवर बलात्कार केल्याची संतापजनक घटना घडली. नऊ वर्षांच्या मुलीवर सामूहिक बलात्कार झाला आहे. दारूच्या नशेत त्यांनी हे कृत्य केल्याचा आरोप करण्यात आला आहे. घटनेनंतर पीडितेने तिच्या आजीला माहिती दिली. त्यानंतर हा भयंकर प्रकार समोर आला आहे. पोलिसांत तक्रार करण्यात आली.