ऑनलाईन गेम खेळताना झाली मैत्री, तरुणीला हॉटेलमध्ये बोलावून नग्न व्हिडीओ बनवला; गुन्हा दाखल

तरुणीसोबत गेम खेळताना ओळख झाली. ओळखीतून दोघांची मैत्री झाली.

ऑनलाईन पब्जी गेम खेळण्यातून तरुणी तरुणीची ओळख आणि यातून झालेले गुन्हे असे अनेक फ्रकरणे समोर आली आहेत. हरियाणातून एक धक्कादायक घटना समोर आली आहे. हरियाणा येथील एका तरुणाची ऑनलाईन गेम खेळत असताना एका तरुणीशी ओळख झाली. या ओळखीचे रुपांतर मैत्रीत झाले. यानंतर या दोघांनी समोरासमोर भेटायचं ठरवलं. पण, या भेटीत तरुणीसोबत धक्कादायक प्रकार घडल्याचे फ्रकरण समोर आले आहे. 

Video: बेईमान डॉगी... चोरट्याच्या प्रेमात फसला अन् मालकाची १ लाखांची दुचाकी चोरी

मिळालेली माहिती अशी, गेम खेळता खेळता तरुणाने तरुणीला आपल्या जाळ्यात अडकवले आणि तिला भेटण्यासाठी जयपूरला बोलावले. त्यानंतर तरुणी त्याला भेटायला गेली.तरुणाने यावेळी तरुणीचा अश्लिल व्हिडीओ बनवून तिला ब्लॅकमेल केले. आरोपी तरुणाने पीडितेवर दोन वर्षे अनेकवेळा बलात्कार केला, अखेर तरुणीने पोलिस ठाण्यात तरुणाविरुद्ध एफआयआर दाखल केला आहे. 

जयपूरच्या बजाजनगर पोलीस ठाण्यात नोंदवलेल्या अहवालानुसार, प्रताप नगर हल्दीघाटी मार्गाजवळ राहणाऱ्या २१ वर्षीय तरुणीने सांगितले की, ती सरकारी नोकरीसाठी स्पर्धा परीक्षांची तयारी करायची आणि मोकळ्या वेळेत ऑनलाइन गेम खेळायची. सप्टेंबर २०१९ मध्ये हा गेम खेळत असताना हरियाणातील शुभम नावाच्या तरुणाशी संवाद झाला. त्यानंतर दोघांनी पार्टनर म्हणून PUBG खेळायला सुरुवात केली. PUBG गेम खेळत असताना दोघांमध्ये खूप चर्चा झाली आणि त्यानंतर त्याने मोबाईल नंबर मागितला, त्यानंतर दोघांमध्ये संवाद सुरू झाला. 

यानंतर जुलै २०२१ मध्ये आरोपी तरुण तरुणीला भेटण्यासाठी जयपूरला पोहोचला. जिथे त्याने गांधीनगर रेल्वे स्थानकाजवळील एका हॉटेलमध्ये रूम बुक केली आणि नंतर तिला भेटण्याच्या बहाण्याने बोलावले. जेव्हा ती हॉटेलमध्ये पोहोचली तेव्हा सुरुवातीला आरोपीने सामान्य संभाषण सुरू केले पण त्यानंतर तो जबरदस्ती करु लागला. यानंतर पीडितेवर अत्याचार केला आणि त्याचा अश्लील व्हिडीओ बनवला. त्यानंतर लग्नाच्या बहाण्याने २ वर्षे तिच्यावर अत्याचार करत होता. ब्लॅकमेल करून व्हिडीओ व्हायरल करण्याची धमकी दिली. त्यानंतर हिंमत दाखवत पीडितेने पोलिस ठाण्यात धाव घेत आरोपी तरुणाच्या कृत्यांविरोधात गुन्हा दाखल केला.