प्रेमासाठी काय पण! गर्लफ्रेंडने स्वतःच्या शरीरात इंजेक्ट केलं HIV पॉझिटिव्ह बॉयफ्रेंडचं रक्त 

Crime News : मुलीने आपल्या एचआयव्ही पॉझिटिव्ह बॉयफ्रेंडचं रक्त इंजेक्शनमार्फत स्वतःच स्वतःच्या शरीरात टोचून घेतलं आहे.

प्रेमासाठी काही जण वाटेल ते करतात. कधी कधी ते प्रेमात इतके गुंतलेले असतात की त्यांना आपण काय करतोय याचं भानच राहत नाही. अशीच एक धक्कादायक घटना आता समोर आली आहे. HIV ग्रस्त बॉयफ्रेंडच्या प्रेमात एक अल्पवयीन मुलगी इतकी वेडी झाली की तिने टोकाचं पाऊल उचललं आहे. मुलीने आपल्या एचआयव्ही पॉझिटिव्ह बॉयफ्रेंडचं रक्त इंजेक्शनमार्फत स्वतःच स्वतःच्या शरीरात टोचून घेतलं आहे. आपल्याला कुणीच वेगळं करू नये, यासाठी तिने धक्कादायक कृत्य केलं.

पोलिसांनी याप्रकरणाची माहिती मिळाल्यानंतर मुलाला अटक केली आहे. तर मुलीला उपचारासाठी रुग्णालयात दाखल करण्यात आले असून ती डॉक्टरांच्या देखरेखीखाली आहे. मिळालेल्या माहितीनुसार, आसामच्या सुआलकुचीमध्ये ही घटना घडली. येथे राहणारी मुलगी अवघ्या 15 वर्षांची आहे. फेसबुकमार्फत तिची हाजोच्या सतडोलामध्ये राहणाऱ्या एका मुलाशी मैत्री झाली. त्यांच्या मैत्रीचं रूपांतर प्रेमात झालं. गेल्या तीन वर्षांपासून त्यांचं प्रेमप्रकरण सुरू आहे. यादरम्यान मुलीला आपल्या बॉयफ्रेंडला एचआयव्ही असल्याचं समजलं.

मुलीच्या प्रेमप्रकरणाबाबत आणि मुलगी ज्याच्यावर प्रेम करते तो एचआयव्ही पॉझिटिव्ह आहे याची माहिती तिच्या कुटुंबापर्यंत पोहोचली. त्यानंतर तिच्या घरच्यांनी त्यांच्या प्रेमाला विरोध केला. त्यांनी तिला त्याला न भेटण्याची सक्त ताकीद दिली. तरी मुलगी बऱ्याचवेळा बॉयफ्रेंडला भेटली. पळून जाण्याचाही प्रयत्न केला. पण जितक्या वेळा ती त्याला भेटली तितक्या वेळा तिचे पालक तिला स्वतः जाऊन परत घेऊन आले. मुलीने यानंतर भयंकर पाऊल उचललं. 

आपल्या बॉयफ्रेंडला एचआयव्ही असल्याची माहिती होती. त्यामुळे तिने त्याच्या शरीरातून इंजेक्शनमार्फत रक्त काढलं आणि ते आपल्या शरीरात इंजेक्ट केलं. जेणेकरून कोणीच त्या दोघांना वेगळं करू शकणार नाही. मुलीने जे केलं ते समजताच सर्वजण हादरले. तिच्या कुटुंबाने याची पोलिसांना माहिती दिली. मीडिया रिपोर्टनुसार पोलिसांनी त्या मुलाला अटक केली आहे. तर मुलीला डॉक्टरांच्या देखरेखीत ठेवलं आहे. एका हिंदी वेबसाईटने याबाबतचे वृत्त दिले आहे.