कुटुंब म्हणतंय हत्या, पोलीस म्हणताहेत आत्महत्या; 'तिच्या' मृत्यूचं गूढ उकलेना; नेमकं काय घडलं?

Crime News : मुलीच्या कुटुंबीयांनी हत्या झाल्याचा गंभीर आरोप केला आहे. तर पोलीस आत्महत्या झाल्याचं म्हणत आहेत.

नवी दिल्ली - उत्तर प्रदेशच्या गोरखपूरमध्ये एक भयंकर घटना घडली आहे. दीनदयाल उपाध्याय गोरखपूर विश्वविद्यालयातील विभागात एका विद्यार्थिनीचा संशयास्पद मृत्यू झाला आहे. याप्रकरणी मुलीच्या कुटुंबीयांनी हत्या झाल्याचा गंभीर आरोप केला आहे. तर पोलीस आत्महत्या झाल्याचं म्हणत आहेत. यामुळेच या मृत्यू प्रकरणाचं कोडं अद्याप उलगडलेलं नाही. गोरखपूरचे एसएसपी दिनेश कुमार प्रभू यांनी पोस्टमॉर्टम रिपोर्टचा हवाला देत गळफास घेतल्याने विद्यार्थिनीचा मृत्यू झाल्याचं म्हटलं आहे. मात्र नातेवाईकांनी हत्येची तक्रार दाखल केली आहे. 

दिनेश कुमार प्रभू यांनी दिलेल्या माहितीनुसार, 31 जुलै रोजी विद्यार्थिनीचा मृतदेह आढळून आला आहे. तिने गळफास घेतला होता. मात्र मुलीच्या कुटुंबीयांनी हत्येचा संशय व्यक्त केला आहे. आता मृतदेहाचं शवविच्छेदन करण्यात आलं असून यामध्ये अँटीमाटम हँगिंग असं म्हटलं आहे. या प्रकरणी योग्य तो तपास केला जात आहे. मात्र कोणीही अफवा पसरवू नका असं म्हटलं आहे. भाजपाच्या डॉ. राधामोहन दास अग्रवाल यांनी याप्रकरणाचा निष्पक्ष तपास करून न्याय देण्याची मागणी केली आहे. 

संतापजनक! पीडितेच्या आईची संमती नसतानाही मुलीवर जबरदस्तीने केले अंत्यसंस्कार; 4 जणांना अटक#crime#crimesnews#Delhi#Police#Rape#Indiahttps://t.co/5PNGuIF4Ne

— Lokmat (@MiLOKMAT) August 3, 2021

राधामोहन दास अग्रवाल यांनी "जेव्हा मी मुलीला पाहायला गेलो तेव्हा ती गळफास घेतलेल्या अवस्थेत आढळून आली. मात्र तिचे पाय हे जमिनीला लागलेले होते. जर गळफास घेऊन मृत्यू झाला असता तर पाय जमिनीला लागलेच नसते. तसेच डोक्याच्या पाठीमागे एक जखमी होती. जी आत्महत्येमुळे झालेली नाही" असं म्हटलं आहे. विद्यार्थिनी परिक्षेसाठी याठिकाणी गेली होती. त्यानंतर तिचा मृतदेह आढळून आला. पोलिसांना याबाबत माहिती दिल्यावर ते तातडीने घटनास्थळी दाखल झाले. मात्र मुलीच्या कुटुंबीयांनी हत्येचाच आरोप केला आहे. पोलीस याप्रकरणाचा अधिक तपास करत आहेत. एका हिंदी वेबसाईटने याबाबतचे वृत्त दिले आहे. 

धक्कादायक! तरुणाला 9 महिन्यांचा पगार मागणं पडलं महागात; सोशल मीडियावर Video जोरदार व्हायरल #crime#crimesnews#Policehttps://t.co/k1CxEmLc6f

— Lokmat (@MiLOKMAT) August 2, 2021

दिल्ली हादरलं! 9 वर्षीय मुलीची बलात्कार करुन हत्या, जबरदस्तीने केले अंत्यसंस्कार; परिसरात खळबळ

दिल्लीमध्ये एक मन हेलावून टाकणारी घटना समोर आली आहे. एका नऊ वर्षाच्या मुलीवर बलात्कार करुन तिची हत्या करण्यात आल्याची धक्कादायक घटना घडली आहे. भयंकर बाब म्हणजे आरोपींनी मुलीवर जबरदस्तीने अंत्यसंस्कार देखील केले आणि तिच्या कुटुंबाला विजेचा धक्का लागून मृत्यू झाल्याची खोटी माहिती दिली. तसेच पोलिसांना याबाबत माहिती देऊ नका असं देखील तिच्या कुटुंबीयांना सांगितलं. दिल्ली कंटोनमेंट परिसरातील नांगल गावात ही घटना घडली आहे. याप्रकरणी पोलिसांनी चार जणांना अटक केली आहे. तसेच याची कसून चौकशी करण्यात येत आहे. तसेच या घटनेने परिसरात एकच खळबळ उडाली आहे. 

धक्कादायक! सिम व्हेरिफिकेशनच्या नावाने डॉक्टरची मोठी फसवणूक; वेळीच व्हा सावध#crime#crimesnews#Policehttps://t.co/t22M63JQUO

— Lokmat (@MiLOKMAT) August 3, 2021