सुडानं पेटला! बदला घेण्यासाठी HIV पॉझिटिव्ह पतीचं पत्नीसोबत धक्कादायक कृत्य; टोकाचं पाऊल उचललं

Crime News : एका व्यक्तीने पत्नीचा बदला घेण्यासाठी असं पाऊल उचललं. जे ऐकल्यावर तुम्हालाही मोठा धक्काच बसेल.

नवी दिल्ली - बदला घेण्यासाठी माणूस कोणत्याही थराला जाऊ शकतो. या नादात अनेकदा तो आपल्या जवळच्या माणसांना देखील विसरतो. सुडाच्या भावनेतून तो टोकाचं पाऊल उचलतो. अशीच एक धक्कादायक घटना कर्नाटकमधून समोर आली आहे. एका व्यक्तीने पत्नीचा बदला घेण्यासाठी असं पाऊल उचललं. जे ऐकल्यावर तुम्हालाही मोठा धक्काच बसेल. मिळालेल्या माहितीनुसार, आरोप व्यक्ती कॅब ड्रायव्हर आहे आणि तो HIV पॉझिटिव्ह आहे. त्याचं 28 वर्षीय पीडित महिलेसोबत 2015 साली लग्न झालं. पोलीस या प्रकरणाचा अधिक तपास करत आहेत. 

आरोपीने आपल्या पत्नीसोबत असुरक्षित (विना कंडोम) लैंगिक संबंध ठेवले असा आरोप आहे. आता कर्नाटक पोलीस या HIV पॉझिटिव्ह व्यक्तीचा शोध घेत आहेत. पीडितेने आपली HIV टेस्ट केली असून ती रिपोर्टची वाट पाहात आहे. पोलिसांनी दिलेल्या माहितीनुसार, आरोपीने हे कृत्य आपल्या पत्नीकडून बदला घेण्यासाठी केलं, कारण ती त्याच्यासोबतचे संबंध तोडत होती. पोलिसांनी सांगितलं की आरोपी HIV पॉझिटिव्ह असूनही पीडित महिला त्याच्यासोबत राहण्यास तयार होती. यादरम्यान दोघांनी एकमेकांसोबत सुरक्षित (कंडोम वापरून) संबंधही ठेवले. 

दोघं जवळपास सहा वर्ष एकमेकांसोबत राहिले. यादरम्यान महिला सतत आपली HIV टेस्ट करत असे. पत्नीने इतकी साथ देऊनही आरोपीचे बाहेर संबंध होते. महिलेला जेव्हा हे समजलं की आरोपी दुसऱ्याच महिलेला घरी घेऊन आला आहे, तेव्हा ती पतीपासून दूर झाली. यानंतर आरोपी कॅब ड्रायव्हर आपल्या पत्नीला भेटला आणि गेल्या आठवड्यात बहाना बनवून तिला आपल्या मित्राच्या घरी नेलं. त्याने महिलेला ड्रग्जचं सेवन करण्यास भाग पाडलं आणि यानंतर तिच्यासोबत असुरक्षित लैंगिक संबंध ठेवले.

महिलेने यानंतर मदतीसाठी बसवनगुडी महिला पोलीस स्टेशनमध्ये संपर्क साधला. पोलिसांनी सांगितलं की महिलेला लग्नानंतर हे समजलं की तिचा पती म्हणजेच आरोपी HIV पॉझिटिव्ह आहे. मात्र यानंतरही आरोपी महिलेला आपल्यासोबतच राहण्यासाठी तयार करण्यात यशस्वी ठरला. त्याने आपल्या या आजाराचा दोष आपल्या पहिल्या पत्नीवर टाकला होता. पोलीस आता या प्रकरणाचा तपास करत आहेत. एका हिंदी वेबसाईटने याबाबतचे वृत्त दिले आहे.