Crime News: रातोरात करोडपती होण्याचा मोह नडला, युवतीवर ओढवला भयावह प्रसंग, तांत्रिकानं केलं असं कांड, अखेर...  

Crime News: एका युवतीला १ कोटी रुपयांचे आमिष दाखवण्यात आले होते. तिने या आमिषापोटी फरिदाबाद गाठल्यानंतर तिथे तिच्यासोबत बलात्काराची धक्कादायक घटना घडली. बलात्काराचा आरोप एका तांत्रिकावर झाला आहे.

पाटणा - बिहारची राजधानी असलेल्या पाटणामधून एक धक्कादायक घटना समोर आली आहे. येथे रातोरात श्रीमंत होण्याच्या मोहापायी एका तरुणीवर भयावह प्रसंग ओढवला. एका तांत्रिकाने तंत्र-मंत्राच्या सहाय्याने एक कोटी रुपये मिळवून देण्याचे आमिष दाखवले. त्यानंतर ही १७ वर्षांची युवती एका महिलेच्या बोलण्यावर विश्वास ठेवून तांत्रिकाला भेटण्यासाठी फरिदाबाद येथे गेली. दरम्यान, तिथे तांत्रिकाने तांत्रिक पूजा आणि तंत्रमंत्राच्या नावाखाली आपल्यावर दोन दिवसांपर्यंत बलात्कार केल्याचा आरोप या तरुणीने केला. सदर तांत्रिक हा फरिदाबाद येथीलच राहणारा असल्याचे सांगण्यात येत आहे. जेव्हा एक कोटी रुपयांच्या मोहापायी आपली अब्रू लुटली गेल्याचे समजले तेव्हा ही तरुणी न्यायासाठी पोलिसांकडे पोहोचली. तक्रार मिळाल्यानंतर आता पाटणा पोलीस या प्रकरणाचा तपास करत आहेत.

मिळालेल्या माहितीनुसार पाटणामधील एका युवतीला १ कोटी रुपयांचे आमिष दाखवण्यात आले होते. तिने या आमिषापोटी फरिदाबाद गाठल्यानंतर तिथे तिच्यासोबत बलात्काराची धक्कादायक घटना घडली. बलात्काराचा आरोप एका तांत्रिकावर झाला आहे. आरोपी तांत्रिकाने तंत्र-मंत्राच्या बळावर तिला एक कोटी रुपये मिळवण्याचे आमिष दाखवले होते. एका विशिष्ट्य पूजा पद्धतीच्या जोरावर एक कोटी रुपये मिळतील, असे सांगण्यात आले. त्यावर विश्वास ठेवून सदर युवती एका चाणाक्ष महिलेच्या जाळ्यात अडकून फरिदाबाद येथे आली.

तिथे या तांत्रिकाने तंत्रमंत्राच्या नावाखाली तिच्यावर दोन दिवसांपर्यंत बलात्कार केला. तंत्र-मंत्र आणि पूजापाठाचे निमित्त करत या तांत्रिकाने तिला गुंगी येणारे औषध पाजले होते. हा विशेष प्रकारचा प्रसाद असून, तो खाल्ल्यावर एक कोटी रुपये मिळतील, असे सांगितले होते. त्यानंतर १ मार्च ते ३ मार्च या काळात या तरुणीवर बलात्कार करण्यात आला.

या संपूर्ण प्रकरणात एका महिलेची भूमिका संदिग्ध अशी आहे. तिने या अल्पवयीन तरुणीला विशेष पूजा केल्यानंतर एक कोटी रुपये मिळतील असे आमिष दाखवले होते. तिच्याच विश्वासावर सदर युवती फरिदाबाद येथे पोहोचली होती. तिथे तिच्यावर बलात्कार करण्यात आला. तसेच पैशांच्या बंडलासह या तरुणीचा फोटोही काढण्यात आला. त्यात ती युवती निर्वस्त्रावस्थेत दिसत आहे.

दरम्यान, फरिदाबाद येऊन पाटण्याला आल्यावर या युवतीने तिच्यासोबत घडलेला प्रकार प्रियंका नावाच्या या महिलेला सांगितला. मात्र प्रियंकाने उलट तिच्यावरच दबाव आणला. तसेच तिला पुन्हा फरिदाबाद येथे जाण्यास सांगितले. मात्र सदर तरुणीने थेट पोलीस ठाणे गाठत तक्रार दिली. आता पोलीस पुढील तपास करत आहेत.