पती-पत्नी और वो! प्रेयसीसोबत लग्न करायला निघाला पती; पत्नीने रस्त्यात गाठलं, धू-धू धुतलं 

एक व्यक्ती आपल्या प्रेयसीसोबत कोर्ट मॅरेज करण्यासाठी तिला घेऊन गुपचूप जात होता. याच दरम्यान त्याची पत्नी आणि सासरकडच्या लोकांनी त्याला पकडलं.

नवी दिल्ली - बिहारच्या कटिहारमध्ये 'पती-पत्नी और वो' अशी एक घटना समोर आली आहे. एक व्यक्ती आपल्या प्रेयसीसोबत कोर्ट मॅरेज करण्यासाठी तिला घेऊन गुपचूप जात होता. याच दरम्यान त्याची पत्नी आणि सासरकडच्या लोकांनी त्याला पकडलं. यानंतर सासरकडच्या लोकांनी आपल्या जावयाला खांबाला बांधलं आणि त्याची यथेच्छ धुलाई केली. सासरकडच्या लोकांनी सांगितलं की जोपर्यंत त्यांचा जावई सुधारणार नाही, तोपर्यंत त्याची धुलाई केली जाईल. हे प्रकरण कटिहारच्या आजमनगर ठाण्याच्या मल्लिकपूर गावातील असल्याचं सांगितलं जात आहे. 

मिळालेल्या माहितीनुसार, आबिद खानचं लग्न सना खातून हिच्यासोबत झालं होतं. लग्नानंतर सर्व काही ठीक होतं. काही महिन्यांनंतर आबिद मजूरी करण्यासाठी मुंबईला गेला. इथून तो दर महिन्याला आपल्या पत्नीला पैसे पाठवत असे. मात्र, 2020 नंतर आबिदने पैसे पाठवणं अचानक बंद केलं. सना खातूनचं असं म्हणणं आहे, की मुंबईमध्ये आबिदला दुसऱ्या मुलीवर प्रेम झालं. ही मुलगी कटिहारच्याच शेजारील गाव तेलता माधोपूर येथील रहिवासी होती. ती अनेकदा मुंबईत जात-येत असे. 

आबिदने तिला आपल्या प्रेमाच्या जाळ्यात ओढलं आणि कोर्ट मॅरेजसाठी तयार केलं. शनिवारी आबिद आपल्या प्रेयसीला घेऊन कोर्ट मॅरेज करण्यासाठी निघाला होता. याची माहिती मिळताच पत्नीने कोर्टात पोहोचण्याआधीच त्याला प्रेयसीसह रस्त्यात पकडलं. यानंतर तिने आपल्या घरच्या लोकांना याबद्दल माहिती दिली. कुटुंबीय लगेचच तिथे पोहोचले आणि आबिदा पकडून खांबाला बांधलं आणि त्याची धुलाई केली.

आबिदच्या सासरकडच्या लोकांचं असं म्हणणं आहे की दोघांच्या परवानगीचे आबिद आणि सनाचं लग्न केलं गेलं होतं. आता त्याला आपल्या पत्नीला सोडून दुसऱ्या तरुणीसोबत राहायचं आहे. आबिद आपल्या पत्नीसोबत चुकीचं वागत आहे. यामुळे त्याला अद्दल घडवण्यासाठी खांबाला बांधून त्याला मारहाण केल्याचं त्यांनी सांगितलं. सर्वत्र याच गोष्टीची चर्चा रंगली आहे. एका हिंदी वेबसाईटने याबाबतचे वृत्त दिले आहे.