Crime News in UP: अनोळखी तरुणीचा मृतदेह शेतात फेकला; प्रायव्हेट पार्टही कापलेला, पोलीस चक्रावले

३१ डिसेंबरला सरखाना मुरादपूर गावात उसाच्या शेतात अर्धनग्न अवस्थेत एका मुलीचा मृतदेह आढळून आला होता.

उत्तर प्रदेशच्या हरदोईच्या सरखना गावात धक्कादायक घटना घडली आहे. एका अज्ञात तरुणीची हत्या करून तिचा मृतदेह शेतात फेकण्यात आला आहे. तिचे गुप्तांगदेखील कापण्यात आल्याने गंभीरता लक्षात घेऊन चौकशीसाठी पोलिसांच्या आठ तुकड्या बनविण्यात आल्या आहेत. तरुणीची ओळख पटवून या ब्लाईंड मर्डर केसच्या आरोपीला लवकरच गजाआड केले जाईल असे एसपी राजेश द्विवेदी यांनी म्हटले आहे. 

३१ डिसेंबरला सरखाना मुरादपूर गावात उसाच्या शेतात अर्धनग्न अवस्थेत एका मुलीचा मृतदेह आढळून आला होता. या मृतदेहाची अद्याप ओळख पटलेली नाही, त्यामुळे परिसरात खळबळ उडाली होती. उसाच्या शेतात सापडलेला मृतदेह कोठून आला आणि तो कोणाचा आहे, हे अद्याप समजू शकलेले नाही. पोलिसांनी मंगळवारी 72 तासांनंतर तरुणीच्या मृतदेहाचे शवविच्छेदन केले. या रिपोर्टमध्ये तरुणीचा गळा आवळण्यात आल्याचे समोर आले आहे. तिचा प्रायव्हेट पार्ट पूर्णपणे गायब होता, त्यामुळे बलात्कार झाला की नाही हे त्यातून समजले नाही.

अशा या गूढ हत्येचा उलगडा करण्यासाठी एसपी राजेश द्विवेदी यांनी पोलिसांच्या आठ टीम तयार केल्या आहेत. सर्वात आधी तरुणीची ओळख पटविली जाणार आहे. तिचा पत्ता सापडला की तिच्या ओळखीच्या लोकांचा शोध घेऊन त्यांची चौकशी करून काही दागेदोरे सापडतात का ते पाहिले जाणार आहे. कोणी अज्ञातानेच तिचा घातपात केला का ते देखील पाहिले जाणार आहे.