भयंकर! फिरण्याच्या बहाण्याने अल्पवयीन मुलीवर मित्रासह 7 जणांचा सामूहिक बलात्कार; 4 जणांना अटक

Crime News : अल्पवयीन मुलीची आपल्याच गावातील एका मुलाशी मैत्री होती. फिरण्याच्या बहाण्याने मुलाने पीडितेला एका निर्मनुष्य ठिकाणी नेलं

नवी दिल्ली - झारखंडच्या रांचीमध्ये माणुसकीला काळीमा फासणारी एक घटना घडली आहे. फिरण्याच्या बहाण्याने एका अल्पवयीन मुलीवर बलात्कार करण्यात आला आहे. 13 वर्षीय विद्यार्थिनीवर मित्रासह 7 जणांकडून सामूहिक बलात्कार करण्यात आला आहे. पीडित मुलगी तिच्या मित्रासोबत फिरायला गेली होती. तिथे तिचा मित्र आणि इतर सहा जणांनी तिच्यावर सामूहिक बलात्कार केला. पीडितेने या प्रकरणी पोलिसात तक्रार दाखल केली आहे. पोलिसांनी आतापर्यंत चार आरोपींना अटक केली आहे. आणखी तीन जण फरार आहेत. पोलिसांनी आरोपींचा शोध सुरू केला आहे. 

मिळालेल्या माहितीनुसार, अल्पवयीन मुलीची आपल्याच गावातील एका मुलाशी मैत्री होती. फिरण्याच्या बहाण्याने मुलाने पीडितेला एका निर्मनुष्य ठिकाणी नेलं. तिथे आधीच त्याचे सहा मित्र आलेले होते. मुलांना पाहून तिला संशय आला. तिने मित्राला आपल्याला घरी सोडण्यास सांगितलं. पण त्याने ऐकलं नाही. मुलीने विरोध केल्यास सर्वांनी तिच्यावर बलात्कार केला. पीडितेने आपल्याला सोडण्यासाठी नराधमांकडे हात जोडून विनवणी केली. पण त्यांनी तिचं काहीच ऐकलं नाही. तिच्यावर सात जणांनी सामूहिक बलात्कार केला. 

"बहिणींना माझा चेहरा दाखवू नका, प्रेयसीला अंत्यसंस्कारास बोलवू नका"; 'त्या' सुसाईड नोटने खळबळhttps://t.co/5GW6LhEtKrpic.twitter.com/WdbxK8IAKN

— Lokmat (@MiLOKMAT) August 30, 2021

पीडितेने पोलिसांत केलेल्या तक्रारीत याबाबत माहिती देण्यात आली आहे. घटनेनंतर आरोपीने पीडितेला तिच्या मैत्रीणीच्या घरीजवळ सोडलं. पीडितेने तिथेच रात्र काढली. यानंतर सकाळी आपल्या घरी पोहोचल्यावर कुटुंबीयाना आपल्यासोबत घडलेला धक्कादायक प्रकार सांगितला. हे कळताच कुटुंबीय तिला घेऊन पोलिसात गेले आणि तक्रार दाखल केली आहे. रांची पोलिसांना याप्रकरणात चार आरोपींना अटक करण्यात यश आले आहे. इतर आरोपींचा पोलीस शोध घेत आहेत. एका हिंदी वेबसाईटने याबाबतचे वृत्त दिले आहे. 

संतापजनक! मैत्रिणीच्या भावानेच केला बलात्कार; Video व्हायरल करण्याची धमकी देत उकळले पैसे#Crime#Police#Rapehttps://t.co/p3u2zVOP53

— Lokmat (@MiLOKMAT) August 26, 2021

"गर्लफ्रेंडला अंत्यसंस्कारासाठी बोलवू नका नाहीतर माझा आत्मा भटकत राहील"; जिम ट्रेनरची आत्महत्या

 मध्य प्रदेशमध्ये एक धक्कादायक घटना समोर आली आहे. इंदूरमधील छावणी भागात राहणाऱ्या एका जिम ट्रेनर असलेल्या तरुणाने टोकाचं पाऊल उचललं आहे. गळफास घेऊन आत्महत्या केली आहे. जिम ट्रेनरच्या खोलीत पोलिसांना एक सुसाईड नोट मिळाली आहे. ज्यामध्ये त्याने अंत्यसंस्कार करताना त्याच्या असणाऱ्या काही इच्छा लिहिल्या आहेत. तरुणाने आपल्या सुसाईड नोटमध्ये "आपल्या दोन्ही चुलत बहिणींना माझा चेहरा दाखवू नका. तसेच प्रेयसीलादेखील अंत्यसंस्कारात सहभागी करून घेऊ नका. जर माझी ही शेवटची इच्छा पूर्ण झाली नाही तर माझी आत्मा भटकत राहील" असं म्हटलं आहे. 

अजब लग्नाची गजब गोष्ट! आत्याच्या प्रेमात पडला भाचा; पळून जाऊन केलं लग्न अन्...#marriagehttps://t.co/b8IHPInJMv

— Lokmat (@MiLOKMAT) August 25, 2021