बापरे! तरुणाने गर्लफ्रेंडच्या घराबाहेरच केली आत्महत्या; लव्ह स्टोरीचा 'असा' झाला भयंकर शेवट

Crime News : प्रेम प्रकरणात अपयशी ठरलेल्या एका प्रियकराने टोकाचं पाऊल उचलल्याची भयंकर घटना समोर आली आहे.

नवी दिल्ली - देशात अनेक धक्कादायक घटना घडत आहेत. उत्तर प्रदेशमधील मेरठमध्ये (Meerut) प्रेम प्रकरणात अपयशी ठरलेल्या एका प्रियकराने टोकाचं पाऊल उचलल्याची भयंकर घटना समोर आली आहे. आपल्या प्रेयसीच्या घरासमोर जाऊन स्वत:ला गोळी मारून आत्महत्या केली आहे. मेरठच्या पोलीस ठाणे हद्दतील शाहपीर गेटच्या बाहेर शुक्रवारी सकाळी तरुणाचा मृतदेह सापडल्यानंतर गोंधळ उडाला. घटनेची माहिती मिळताच पोलीस तत्काळ घटनास्थळी पोहोचले आणि तपास सुरू केला. 

प्रेमप्रकरणाशी संबंधित हे प्रकरण असल्याचं समोर आलं. पोलिसांनी या प्रकरणात प्रत्येक अँगलने तपास सुरू केला आहे. मृत तरुणाचे नाव नाजिम (26 वर्षे) असल्याचं समोर आलं आहे. मिळालेल्या माहितीनुसार, पोलिसांनी जेव्हा नाजिमचे कॉल डिटेल्स तपासले तर सकाळी 3.10 वाजता त्याने आपल्या प्रेयसीला कॉल केला होता. त्यावेळी दोघांमध्ये काहीतरी बोलणं झालं. यानंतर नाराज नाजिमने स्वत:चाच जीव घेतला.

सकाळी प्रेयसीच्या घराबाहेर मृतदेह पाहून परिसरात एकच गोंधळ उडाला. तातडीने पोलीस अधिकारी घटनास्थळी दाखल झाले. नाजिमच्या कुटुंबीयांनी त्याच्या मृतदेहाची ओळख पटवली. मृत तरुणाजवळ एक मोबाईल सापडला, त्याचा तपास केल्यानंतर नेमका प्रकार समोर आला आहे. पोलिसांनी मृतदेह शवविच्छेदनासाठी पाठवला आहे. या घटनेने परिसरात एकच खळबळ उडाली आहे. 

नाजिमच्या ओळखीच्यांकडून कळालं की, गेल्या अनेक दिवसांपासून शाह पीर गेट येथे राहणाऱ्या एका तरुणीशी तो बोलत होता. दोघांमध्ये काही दिवसांपासून वाद सुरू होता. ज्यानंतर सातत्याने नाजिम त्या मुलीला फोन करीत होता. गेल्या रात्री दोघांमध्ये काहीतरी बोलणं झालं, यानंतर नाजिमने स्वत:ला गोळी मारली. नाजिमच्या घरात शोककळा पसरली आहे. तर पोलीस या प्रकरणात सुसाइड व्यतिरिक्त इतर हत्याच्या अँगलचा तपास करीत आहे. एका हिंदी वेबसाईटने याबाबतचे वृत्त दिले आहे.