धक्कादायक! मुलगी पुन्हा जिवंत होण्याची होती आशा; आई-वडिलांनी 2 महिने घरातच ठेवला मृतदेह अन्..

Crime News : एका जोडप्याला आपल्या मुलीला गमवण्याचं दुःख सहन करावं लागलं. मात्र, यानंतर जोडप्याने जे काही केलं, ते धक्कादायक होतं.

आई-वडिलांसाठी मुलं सर्वात जास्त महत्त्वाची असतात. त्याचं आपल्या मुलांवर खूप प्रेम असतं. ते मुलांसाठी काहीही करायला तयार असतात. याच दरम्यान आपल्या मुलांना गमावणं, त्यांच्यासाठी एखाद्या वाईट स्वप्नाप्रमाणेच असतं. अशीच एक धक्कादायक घटना समोर आली आहे. इंडोनेशियामधील एका जोडप्याला आपल्या मुलीला गमवण्याचं दुःख सहन करावं लागलं. मात्र, यानंतर जोडप्याने जे काही केलं, ते धक्कादायक होतं. या जोडप्याने आपली मुलगी जिवंत होईल या आशेवर तिचा मृतदेह तब्बल दोन महिने घरातच ठेवल्याचा भयंकर प्रकार उघड झाला आहे. 

आपण मुलीला गमावलंय. आपल्या मुलीचं खरंच निधन झालं आहे, या गोष्टीवर या जोडप्याचा विश्वास बसत नव्हता. त्यांनी ही बाब मान्य करण्यास नकार दिला, की त्यांची मुलगी आता या जगात नाही. यानंतर जोडप्याने दोन महिने मुलीचा मृतदेह घरातच ठेवला. त्यांना अशी आशा होती, की त्यांची मुलगी पुन्हा जिवंत होईल. मात्र दोन महिन्यांनंतर मृतदेहाची दुर्गंधी पसरू लागली. यानंतर शेजाऱ्यांनी चौकशी सुरू केल्यावर हे प्रकरण समोर आलं आणि मुलीवर अंत्यसंस्कार करण्यात आले.

14 वर्षीय मुलीचा टीबीमुळे मृत्यू 

इंडोनेशियाच्या सेंट्रल जावा येथील पलकरन गावात ही घटना घडली आहे. घरातून भरपूर दुर्गंधी येत असल्याने शेजाऱ्यांनी घरात जात तपासणी कऱण्याचा निर्णय घेतला. यानंतर त्यांना घरात दोन महिन्यांपासून पडून असलेला सडलेला मृतदेह दिसला. या घटनेत 14 वर्षीय मुलीचा टीबीमुळे मृत्यू झाला होता, मात्र तिच्या आई-वडिलांना यावर विश्वास बसत नव्हता की त्यांची मुलगी आता या जगात नाही. त्यांना अशी आशा होती, की त्यांची मुलगी पुन्हा जिवंत होईल.

घटनेने परिसरात एकच खळबळ 

जेव्हा हे प्रकरण समोर आलं, तेव्हा माहिती मिळाली की मुलीच्या आई-वडिलांनी तिला जिवंत करण्यासाठी हवनही केलं होतं. गावातील लोकांनी या मुलीच्या आई-वडिलांना मृतदेहावर अंत्यसंस्कार करण्यासाठी भरपूर वेळ समजावलं. मात्र, ते ऐकायला तयार नव्हते. अखेर घराच्या जवळच असलेल्या कबरीमध्ये आपल्या मुलीचा मृतदेह दफन करायला ते तयार झाले. या घटनेने परिसरात एकच खळबळ उडाली आहे. एका हिंदी वेबसाईटने य़ाबाबतचे वृत्त दिले आहे.