Crime News: धक्कादायक प्रकार! मेव्हणीचा राग बायकोवर काढला, नवऱ्यावर गुन्हा दाखल 

Crime News: मेव्हणीमुळे कंपनीत वाद होत असल्याचा राग बायकोवर तिला मारहाण करून काढणाऱ्या पती विरुद्ध भाईंदर पूर्वेच्या नवघर पोलीस ठाण्यात गुन्हा दाखल करण्यात आला आहे.

मीरारोड - मेव्हणीमुळे कंपनीत वाद होत असल्याचा राग बायकोवर तिला मारहाण करून काढणाऱ्या पती विरुद्ध भाईंदर पूर्वेच्या नवघर पोलीस ठाण्यात गुन्हा दाखल करण्यात आला आहे.

अंजली सोनी (३७) रा . एम्स सी व्ह्यू , इंद्रलोक फेज ६ , भाईंदर पूर्व यांनी ४ जुलै रोजी पती राकेश (४०) विरुद्ध दिलेल्या फिर्यादी नंतर पोलिसांनी गुन्हा दाखल केला आहे . फिर्यादी नुसार त्यांची भाईंदर फाटक येथे सोनी एन्टरप्रायझेस नावाची हार्डवेअर कंपनी आहे . ३ जुलैच्या रात्री अंजली यांनी बाहेर क्रिकेट खेळून आलेल्या पतीला जेवण वाढू का ? विचारले. त्यावर राकेश ह्याने , तुझ्या बहिणीला समझाव तिच्या मुळे माझी कंपनी बंद झाली असे पत्नी अंजलीला सुनावले . त्यावर कंपनीचे भांडण घरा पर्यंत आणू नका असे अंजली म्हणाल्या असता संतापलेल्या राकेशने पत्नीला ठोश्या बुक्क्यांनी मारहाण केली, ओरबाडले व ढकलून दिले .