Crime News: प्रेयसीबरोबर मौजमजेसाठी चोरीचा मार्ग! दोघांना अटक

Crime News: पूर्वेकडील राजाजी पथ परिसरातील मढवी बंगल्याच्या बाजूला जय भवानी किराणा दुकान आणि मार्टिस मेडिकल ॲण्ड जनरल स्टोअर्समध्ये चोरी झाली होती. सामान आणि रोकड लंपास करणाऱ्या दोघा चोरट्यांना रामनगर पोलीस ठाण्याच्या पोलिसांनी सापळा लावून ठाण्यातून अटक केली.

डोंबिवली : पूर्वेकडील राजाजी पथ परिसरातील मढवी बंगल्याच्या बाजूला जय भवानी किराणा दुकान आणि मार्टिस मेडिकल ॲण्ड जनरल स्टोअर्समध्ये चोरी झाली होती. सामान आणि रोकड लंपास करणाऱ्या दोघा चोरट्यांना रामनगर पोलीस ठाण्याच्या पोलिसांनी सापळा लावून ठाण्यातून अटक केली. चोरीची घटना मंगळवारी मध्यरात्री घडली होती. अटक आरोपींकडून १० हजारांचा मुद्देमाल हस्तगत केला आहे.
अभिषेक मोरे (वय २१) आणि अनिरुद्ध घाग (वय १९) अशी अटक आरोपींची नावे आहेत. अभिषेक हा श्रीनगर वार्लीपाडा परिसरात राहणारा आहे तर अनिरुद्ध हा वागळे इस्टेटमध्ये राहतो. दोघांवर याआधीही घरफोडी आणि जबरी चोरीचे गुन्हे दाखल आहेत. प्रेयसीबरोबर मौजमजा करण्यासाठी त्यांनी चोरीचा मार्ग अवलंबिला होता.
 सीसीटीव्ही कॅमेरा फुटेज तसेच खबऱ्याने दिलेल्या माहितीवरून रामनगर पोलीस ठाण्याचे वरिष्ठ पोलीस निरीक्षक सचिन सांडभोर यांच्या मार्गदर्शनाखाली गुन्हे प्रकटीकरण पथकाचे सहायक पोलीस निरीक्षक योगेश सानप, पोलीस हवालदार विशाल वाघ, शंकर निवळे, प्रशांत सरनाईक, विकास भामरे, पोलीस शिपाई शिवाजी राठोड आदींच्या पथकाने श्रीनगर वार्लीपाडा पाण्याच्या टाकीजवळ सापळा लावून दोघांना अटक केली.