धक्कादायक प्रकार! पतीसोबत अफेअर असल्याचा संशय, पत्नीने ५ जणांकडून करवला महिलेवर बलात्कार

Crime News: पतीशी अफेअर असल्याच्या संशयावरून महिलेने पतीच्या मैत्रिणीवर पाच जणांकरवी बलात्कार करवल्याची धक्कादायक घटना घडली आहे. हा धक्कादायक प्रकार तेलंगाणामधील हैदराबादमध्ये घडला आहे.

हैदराबाद - पतीशी अफेअर असल्याच्या संशयावरून महिलेने पतीच्या मैत्रिणीवर पाच जणांकरवी बलात्कार करवल्याची धक्कादायक घटना घडली आहे. हा धक्कादायक प्रकार तेलंगाणामधील हैदराबादमध्ये घडला आहे. आपला पती आणि त्याच्या महिलेमध्ये अफेअर सुरू असल्याची या महिलेला शंका होती. त्यामुळे तिने हे क्रूर कृत्य घडवून आणले. तसेच संतापजनक बाब म्हणजे या घटनेचा व्हिडीओसुद्धा काढण्यात आला. 

ही घटना सायबराबादमधील गच्चीबौली येथे घडली आहे. येथे एका महिलेने दुसऱ्या महिलेवर बलात्कार करवण्यासाठी ५ जणांची मदत घेतली. तसेच त्यांच्याकडून पतीची मैत्रिण असलेल्या महिलेवर बलात्कार करवून घेतला.

दरम्यान, या प्रकरणी पोलिसांनी आरोपी महिला गायत्री हिच्यासह ६ जणांना अटक केली आहे. गायत्रीच्या कोंडापुरा येथील घरामध्येत पाच जणांनी पीडित महिलेवर बलात्कार केला. गायत्रीचा पती यूपीएससी परीक्षेची तयारी करत असताना पीडित महिलेला भेटला होता.

पीडित महिला गायत्रीच्या घरी तिच्या पतीला भेटायला यायची. त्यानंतर ती ऑक्टोबर २०२१ ते फेब्रुवारी २०२२ पर्यंत गायत्रीसोबत तिच्या घरीच राहिली होती. दरम्यान, सदर महिला आणि आपल्या पतीमध्ये अफेअर सुरू असल्याचा संशय गायत्रीला आला. त्यानंतर खूप वादविवादानंतर सदर महिलेनं गायत्रीचं घर सोडलं होतं.

दरम्यान, २६ मे रोजी गायत्रीने पीडित महिलेला आपल्या घरी बोलावले. तेथे गायत्रीने बोलावलेले लोक आधीपासून हजर होते. त्यांनी या महिलेवर बलात्कार केला. तसेच त्यांनी या घटनेचा व्हिडीओ बनवल्याचाही आरोप आहे. त्यानंतर पीडितेला जर पोलिसांकडे गेलीस तर गंभीर परिणाम होतील, अशी धमकी देऊन सोडण्यात आले. दरम्यान, पोलिसांनी सर्व आरोपींविरोधात गुन्हा दाखल करून तपास सुरू केला आहे.