Crime News: सराईत दुचाकी चोराला अटक, पाच दुचाकी केल्या जप्त

Crime News: विठ्ठलवाडी पोलिसांनी एका सराईत मोटरसायकल चोराला रविवारी अटक केली असून त्याच्याकडून चोरीच्या ५ मोटरसायकली जप्त केल्या आहेत. न्यायालयाने २३ फेब्रुवारी पर्यन्त पोलीस कस्टडी दिली.

- सदानंद नाईक

उल्हासनगर - विठ्ठलवाडी पोलिसांनी एका सराईत मोटरसायकल चोराला रविवारी अटक केली असून त्याच्याकडून चोरीच्या ५ मोटरसायकली जप्त केल्या आहेत. न्यायालयाने २३ फेब्रुवारी पर्यन्त पोलीस कस्टडी दिली. न्यायालयाने त्याला २३ फेब्रुवारी पर्यंत पोलीस कस्टडी दिली असून तपासात अन्य चोरीचा उलगडा होण्याची शक्यता पोलिसांनी व्यक्त केली.

उल्हासनगर कॅम्प नं-४ भरतनगर येथील अंबरनाथ पूल परिसरात विठ्ठलवाडी पोलीस ठाण्याचे पथक रविवारी पेट्रोलिंग करीत होते. त्यावेळी त्यांची नजर एका संशयित इसमावर पडली. त्याचे नाव विचारून मोटरसायकल बाबत विचारणा केल्यावर, त्याने उडवाउडवीची उत्तरे दिली. पोलिसांनी त्याला ताब्यात घेऊन पोलीस ठाण्यात आणून पोलीस खाक्या दाखवितात मोटरसायकल चोरीची असल्याचे उघड झाले. त्याच्याकडे अधिक तपास केला असता, त्याच्याकडून ५ चोरीच्या मोटरसायकली जप्त केल्या. त्याचे नाव मलंग सय्यद शेख असून तो अंबरनाथ येथील राहणारा आहे. न्यायालयाने त्याला २३ फेब्रुवारी पर्यन्त पोलीस कस्टडी दिली असून तपासात अधिक गुन्ह्याची उकल होण्याची शक्यता व्यक्त होत आहे. अधिक तपास विठ्ठलवाडी पोलीस करीत आहेत