लेडी गँगची गुंडगिरी! चौघींनी तरुणीला केली लाथा-बुक्क्यांनी बेदम मारहाण; भयंकर Video व्हायरल
By ऑनलाइन लोकमत | Published: June 14, 2022 03:16 PM2022-06-14T15:16:46+5:302022-06-14T15:24:50+5:30
Crime News : नंदिनी कामावर जात असताना पिंकी आणि तिच्या तीन मैत्रिणींनी येऊन तिचा रस्ता अडवला.
लेडी गँगची गुंडगिरी! चौघींनी तरुणीला केली लाथा-बुक्क्यांनी बेदम मारहाण; भयंकर Video व्हायरल
Next नवी दिल्ली - मध्य प्रदेशमध्ये एक धक्कादायक घटना घडली आहे. एका लेडी गँगची दहशत पाहायला मिळत आहे. चार मुलींनी एका तरुणीला भररस्त्यात लाथा-बुक्क्यांनी बेदम मारहाण केल्याची घटना समोर आली आहे. या मारहाणीचा एक व्हिडीओ सध्या सोशल मीडियावर जोरदार व्हायरल होत आहे. इंदूर शहरातील द्वारकापुरी भागात पिझ्झा चेनमध्ये काम करणाऱ्या तरुणीला रस्त्यावर मारहाण करण्यात आली. आपल्याकडे पाहत असल्याचा आरोप करत चार तरुणींनी बेदम मारहाण केल्याचं पीडितेने म्हटलं आहे. पोलीस या प्रकरणाचा अधिक तपास करत आहेत.
मिळालेल्या माहितीनुसार, इंदूरच्या द्वारकापुरी भागात ही भयंकर घटना घडली आहे. सोशल मीडियावर ही घटना व्हायरल झाल्यानंतर हे प्रकरण उघडकीस आलं आहे. पिंकी आणि तिच्या टोळीची य़ा परिसरात दहशत आहे. व्हिडिओमध्ये चार तरुणी पीडित मुलीला लाथाबुक्क्यांनी आणि काठीने मारहाण करताना दिसत आहेत. मारहाणीनंतर पीडित तरुणी रस्त्यावर पडली आणि लोकांकडे मदत मागत राहिली. पण तिच्या मदतीसाठी कोणीही आलं नाही. या घटनेने एकच खळबळ उडाली आहे.
A young woman was mercilessly thrashed, grabbed by the hair in full public view by a group of women in Indore. The video of the incident shows four women beating up the victim, a pizza chain employee, using sticks and fists, for allegedly staring at them @ndtv@ndtvindiapic.twitter.com/R6l2epYLpJ
— Anurag Dwary (@Anurag_Dwary) June 13, 2022
पोलीस अधिकाऱ्यांनी दिलेल्या माहितीनुसार, नंदिनी यादव असं या मारहाण झालेल्या तरुणीचं नाव आहे. नंदिनीच्या तक्रारीवरून पिंकी आणि तिच्या काही मैत्रिणींविरोधात गुन्हा दाखल करण्यात आला आहे. पीडित तरुणीने सांगितलं की ती फूड कंपनी डॉमिनोजमध्ये काम करते.
शनिवारी नंदिनी कामावर जात असताना पिंकी आणि तिच्या तीन मैत्रिणींनी येऊन तिचा रस्ता अडवला. यानंतर बोलायचं आहे असं सांगून जवळ बोलावून केस ओढले, लाथा-बुक्क्यांनी बेदम मारहाण केली. तू आमच्याकडे का बघत होतीस, असा सवाल करुन त्यांनी पीडितेला मारहाण केली आहे. तसेच लेडी गँगने मारहाणीचा व्हिडीओ स्वतःच बनवून व्हायरल केला आहे. एका हिंदी वेबसाईटने याबाबतचे वृत्त दिले आहे.